الماتى وبلىسىندا 44 جاستاعى كەلىنشەكتى كورشىسىنىڭ پيتبۋل تۇقىمدى ءيتى تالاپ تاستاعان. بۇعان دەيىن الگى يت سول كەلىنشەكتىڭ كۇيەۋىن دە تىستەلەپ، ساۋساعىنىن ايىرعان. وقيعا ەسىك قالاسى ماڭىنداعى ساياجاي ماسسيۆتەرىنىڭ بىرىندە بولدى، دەپ حابارلايدى "ادىرنا" پورتالى. بۇل تۋرالى informburo اقپارات بەردى.
جارىقتىڭ اقىسىن تولەۋگە شىققان قارلىعاش ەلەمەسوۆا قايتار جولدا كورشىسىنىڭ بوس جۇرگەن يتىنە تاپ بولعان. تىستەگەن جەرىن وڭايلىقپەن جىبەرمەيتىن پيتبۋل تۇقىمدى توبەت بالتىرىنان باس سالىپ، كەيىن بىرنەشە جەرىنە ءتىس باتىرعان ەكەن. قازىر ايەلىم ورنىنان تۇرا الماي اۋرۋحانادا جاتىر دەيدى جولداسى. وتكەن جىلى بەرىك ەسقازيەۆتىڭ ءوزى دە ءدال وسى يتكە تالانىپ ءبىر ساۋساعىنان ايىرىلىپتى. يەسى ءالى كۇنگە دەيىن ەشقانداي وتەماقى تولەگەن جوق دەگەن بەرىك، شارا قولدانا الماي وتىرمىز دەپ اشۋلى.
"اياعىن تالاپ، جۇرگىزبەي تاستادى عوي. كوشەنىڭ باسىندا كوشەگە شىعىپ كەتىپ جەرگە اۋناتىپ تالاعان. مەنىڭ ءوزىم وتكەن جىلى ساۋساعىمنان ايىرىلدىم. ساۋساعىمدى العان، اياعىمدى تالاعان" دەدى بەرىك مىرزا.
بۇل ماڭدا قازىر 5 ساياجاي ءماسسيۆى بار ەكەن. ولاردىڭ باسىم بولىگىندە ادامدار تەك جاز مەزگىلىندە عانا تۇرادى. ال، ۆەتەريناريا بولىمىنە قانشا ايتقانىمىزبەن قۇلاق اسار ەشكىم جوق دەيدى. يت اۋلاۋعا ءوتىنىش بەرەمىز دەگەن وكرتسگ اكىمى، ادام قاپقان ءيتتى يەسى ۇيىنەن الىپ كەتتى دەيدى.
