Almaty oblysynda 44 jastaǵy kelinshekti kórshisiniń pıtbýl tuqymdy ıti talap tastaǵan. Buǵan deıin álgi ıt sol kelinshektiń kúıeýin de tistelep, saýsaǵynyn aıyrǵan. Oqıǵa Esik qalasy mańyndaǵy saıajaı massıvteriniń birinde boldy, dep habarlaıdy "Adyrna" portaly. Bul týraly informburo aqparat berdi.
Jaryqtyń aqysyn tóleýge shyqqan Qarlyǵash Elemesova qaıtar jolda kórshisiniń bos júrgen ıtine tap bolǵan. Tistegen jerin ońaılyqpen jibermeıtin pıtbýl tuqymdy tóbet baltyrynan bas salyp, keıin birneshe jerine tis batyrǵan eken. Qazir áıelim ornynan tura almaı aýrýhanada jatyr deıdi joldasy. Ótken jyly Berik Esqazıevtiń ózi de dál osy ıtke talanyp bir saýsaǵynan aıyrylypty. Iesi áli kúnge deıin eshqandaı ótemaqy tólegen joq degen Berik, shara qoldana almaı otyrmyz dep ashýly.
"Aıaǵyn talap, júrgizbeı tastady ǵoı. Kósheniń basynda kóshege shyǵyp ketip jerge aýnatyp talaǵan. Meniń ózim ótken jyly saýsaǵymnan aıyryldym. Saýsaǵymdy alǵan, aıaǵymdy talaǵan" dedi Berik myrza.
Bul mańda qazir 5 saıajaı massıvi bar eken. Olardyń basym bóliginde adamdar tek jaz mezgilinde ǵana turady. Al, veterınarııa bólimine qansha aıtqanymyzben qulaq asar eshkim joq deıdi. It aýlaýǵa ótinish beremiz degen okrg ákimi, adam qapqan ıtti ıesi úıinen alyp ketti deıdi.
