سالتانات نۇكەنوۆانىڭ ولىمىنە كۇدىكتى، ۇلتتىق ەكونوميكانىڭ ەكس-ءمينيسترى قۋاندىق بيشىمباەۆ «ەرەكشە قاتىگەزدىكپەن جاسالعان كىسى ولتىرۋدەن» بولەك، «ازاپتاۋ» باپتارى بويىنشا ايىپتالىپ وتىر. بۇل تۋرالى اقپاراتتى ىشكى ىستەر مينيسترلىگى راستادى، - دەپ حابارلايدى "ادىرنا" پورتالى كتك-گە سىلتەمە جاساپ.
بيشىمباەۆتى «ازاپتاۋ» بابى بويىنشا ءتورت جىلدان جەتى جىلعا دەيىن باس بوستاندىعىنان ايىرۋ، ال قىلمىستىق كودەكستىڭ «ادام ءولتىرۋ» بابى بويىنشا 15 جىلدان ءومىر بويىنا باس بوستاندىعىنان ايىرۋ جازاسى كۇتىپ تۇر.
9 قاراشادا ەكس-مينيستر قۋاندىق بيشىمباەۆتىڭ ۇستالعانى بەلگىلى بولدى. 8 قاراشادا استاناداعى مەيرامحانالاردىڭ بىرىندە كەلۋشىلەر اراسىندا جانجال شىعىپ، سالدارىنان ايەل ادامنىڭ العان جاراقاتىنان كوز جۇمعانى ايتىلدى. كەيىن مارقۇمنىڭ ەكس-مينيستر سالتانات نۇكەنوۆانىڭ ايەلى ەكەنى بەلگىلى بولدى.
بيشىمباەۆ سول كۇنى كىسى ءولتىردى دەگەن كۇدىكپەن ۇستالىپ، قاماۋعا الىندى. 11 قاراشادا سالتانات نۇكەنوۆا پاۆلوداردا جەرلەندى. ەرلى-زايىپتىلاردىڭ ۇيلەنگەندەرىنە ءبىر جىلداي ۋاقىت بولعان بولاتىن.
