كەشە، 14 قاڭتاردا الماتىدا الاپات ءورت بولدى - المالى اۋدانىندا قۇرىلىس ماتەريالدارى ساقتالعان قويما ورتەندى. بۇل تۋرالى توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ءورت شىققانى تۋرالى حابار توتەنشە جاعدايلار دەپارتامەنتىنە ساعات 20:25-تە تۇسكەن. وقيعا ورنىنا 6 مينۋت ىشىندە جەتكەن ءورت سوندىرۋشىلەر قۇرىلىس ماتەريالدارى مەن لاك-بوياۋ ونىمدەرىن ساقتايتىن قويما اشىق جالىنمەن جانىپ جاتقانىن انىقتاعان. الدىن الا مالىمەت بويىنشا، ءورتتىڭ جالپى اۋدانى 500 شارشى مەتردەن اسادى.
ء"ورتتىڭ كورشىلەس ورنالاسقان قويمالارعا تارالۋ قاۋپى تۋىندادى، ءورتتى ءسوندىرۋ جۇمىسى قويما جايلارى تەز جانعىش بۇيىمدارعا لىق تولعاندىقتان (بيتۋم، لاك-بوياۋ) قيىنداي ءتۇستى", - دەلىنگەن ۆەدومستۆو حابارلاماسىندا.
ءورت 22-34-تە وقشاۋلانىپ، 22-50-دە تولىعىمەن ءسوندىرىلدى. ءورتتى سوندىرۋگە 21 تەحنيكا مەن 100-دەن استام ادام جۇمىلدىرىلدى.
"كورشىلەس ورنالاسقان قويمالارعا ءورتتىڭ تارالۋىنا جول بەرىلمەدى، ناتيجەسىندە كاسىپكەرلەردىڭ 5 مىڭ شارشى مەتر تمق ساقتاۋ قويمالارى امان قالدى", - دەپ حابارلادى.
