جاپونيادا ءوتىپ جاتقان 2026 جىلعى جازعى ازيا ويىندارىندا قازاقستان قۇراماسىنىڭ كاپيتانى ايبەك ورالباي بوكستان التىن مەدال جەڭىپ الدى، دەپ حابارلايدى "ادىرنا".
90 كەلىدەن جوعارى سالماقتا سىنعا تۇسكەن قازاقستاندىق سپورتشى فينالدا وزبەكستان وكىلى جاحونگير زوكيروۆپەن جۇدىرىقتاستى. جەكپە-جەك قورىتىندىسى بويىنشا تورەشىلەر جەڭىستى ءبىراۋىزدان ايبەك ورالبايعا بەردى.
وسىلايشا، ورالباي قازاقستان قۇراماسىنىڭ قورجىنىنا ازيا ويىندارىنداعى كەزەكتى التىن جۇلدەنى سالدى.
ايبەك ورالباي بۇعان دەيىن دە ەل نامىسىن ءىرى دودالاردا قورعاپ كەلەدى. ول 2022 جىلى ازيا چەمپيونى اتانىپ، 2024 جىلعى پاريج وليمپياداسىنا قاتىستى.
ورالبايدىڭ التىنى – قازاقستان بوكسشىلارىنىڭ بيىلعى ازيا ويىندارىنداعى ەكىنشى التىن مەدالى. بۇعان دەيىن تورەحان سابىرحان ءوز سالماعىندا چەمپيون اتانعان بولاتىن.
