ءاليحان سمايىلوۆ ۇكىمەت وتىرىسىندا قازاقستان بويىنشا قىزىلشا اۋرۋىنىڭ تارالۋى، اسىرەسە بالالار اراسىندا جيىلەگەنىن ايتتى. بۇل تۋرالى "ادىرنا" ۇلتتىق پورتالى حابارلايدى.
«جۇقپالى اۋرۋلاردى ازايتۋ شارالارى ۇكىمەتتە بىرنەشە رەت قارالدى. كەڭ تارالعان ۆيرۋستىق ينفەكتسيالار بويىنشا دا كورسەتكىشتەر (ۆ ۆيرۋستى گەپاتيتى، روتاۆيرۋستى ينفەكتسيا، ديزەنتەريا جانە ت.ب.) تومەندەدى»، - دەدى ءاليحان سمايىلوۆ.
سونداي-اق ۇكىمەت باسشىسى ەلىمىزدە قىزىلشانىڭ ادەتتەن تىس تارالۋىنا الاڭداۋشىلىق ءبىلدىردى.
«وكەن جىلدان بەرى ەلىمىزدە قىزىلشامەن اۋىرعاندار سانى ايتارلىقتاي ءوسىپ كەتتى. ول سوڭعى 10 جىلدا بولماعان كورسەتكىشكە جەتىپ وتىر . ولاردىڭ 80%-كە جۋىعى – 14 جاسقا دەيىنگى بالالار. اۋىرعانداردىڭ كوپشىلىگى – ءتيىستى ەكپە الماعاندار. ەكپە الماعان ناۋقاستاردىڭ اۋرۋى اسقىنىپ كەتۋ قاۋپى جوعارى. مۇنداي جاعدايلار قازىردىڭ وزىندە تىركەلىپ وتىر»، - دەيدى ول.
"ادىرنا" ۇلتتىق پورتالى
