جالاقى 1-دەن 8-گە دەيىنگى رازريادتاعى قىزمەتكەرلەرگە، قوسالقى (تەحنيكالىق), اكىمشىلىك جانە نەگىزگى پەرسونالدار قىزمەتكەرلەرىنە، سونداي-اق باسقارۋشى پەرسونالدىڭ كەيبىر قىزمەتكەرلەرىنە قاتىستى بولدى. اتالعان قىزمەتكەرلەردىڭ جالاقىسى جۇمىس وتىلىنە بايلانىستى سارالانعان تۇردە ارتتىرىلادى، دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى.
بۇل ماقساتقا رەسپۋبليكالىق بيۋدجەتتەن 2019 جىلعا 144,3 ملرد.تەڭگە كوزدەلگەن.
مىسالى، جوعارى ءبىلىمدى جانە 1 ماۋسىمعا دەيىن 2 جىل جۇمىس ءوتىلى بار جوعارى ساناتتى الەۋمەتتىك قىزمەتكەردىڭ جالاقىسى 81 830 تەڭگەنى قۇرادى. 2019 جىلعى 1 ماۋسىمنان باستاپ — 98 961 تەڭگە. وسىلايشا، جالاقىنىڭ ءوسىمى 17 130 تەڭگەنى نەمەسە 21% قۇرادى.
ەكىنشى مىسال رەتىندە 5 جىل جۇمىس ءوتىلى بار ساناتى جوق ارنايى ورتا ءبىلىمى بار تاربيەشىنىڭ جالاقىسىن ۇلعايتۋدى قاراستىرامىز. ماسەلەن، ەگەر 1 ماۋسىمعا دەيىن ول 58 984 تەڭگەنى قۇراسا، 2019 جىلعى 1 ماۋسىمنان باستاپ 76 114 تەڭگەنى قۇرايدى، بۇل جەردە جالاقى ءوسىمى – 17 130 تەڭگەنى نەمەسە 29% قۇرايدى.
جالاقىنى ارتتىرۋ دەنساۋلىق ساقتاۋ، ءبىلىم بەرۋ، الەۋمەتتىك قورعاۋ، مادەنيەت، سپورت، اۋىل شارۋاشىلىعى جانە باسقا سالالاردا جۇمىس ىستەيتىن 1,1 ميلليون ازاماتتىق قىزمەتشىلەرگە قاتىستى.
دەرەككوز: biznesbastau.kz
"ادىرنا" ۇلتتىق پورتالى
