Jalaqy 1-den 8-ge deiıngı razriadtaǧy qyzmetkerlerge, qosalqy (tehnikalyq), äkımşılık jäne negızgı personaldar qyzmetkerlerıne, sondai-aq basqaruşy personaldyŋ keibır qyzmetkerlerıne qatysty boldy. Atalǧan qyzmetkerlerdıŋ jalaqysy jūmys ötılıne bailanysty saralanǧan türde arttyrylady, dep habarlaidy eŋbek jäne halyqty äleumettık qorǧau ministrlıgınıŋ baspasöz qyzmetı.
Būl maqsatqa respublikalyq biudjetten 2019 jylǧa 144,3 mlrd.teŋge közdelgen.
Mysaly, joǧary bılımdı jäne 1 mausymǧa deiın 2 jyl jūmys ötılı bar joǧary sanatty äleumettık qyzmetkerdıŋ jalaqysy 81 830 teŋgenı qūrady. 2019 jylǧy 1 mausymnan bastap — 98 961 teŋge. Osylaişa, jalaqynyŋ ösımı 17 130 teŋgenı nemese 21% qūrady.
Ekınşı mysal retınde 5 jyl jūmys ötılı bar sanaty joq arnaiy orta bılımı bar tärbieşınıŋ jalaqysyn ūlǧaitudy qarastyramyz. Mäselen, eger 1 mausymǧa deiın ol 58 984 teŋgenı qūrasa, 2019 jylǧy 1 mausymnan bastap 76 114 teŋgenı qūraidy, būl jerde jalaqy ösımı – 17 130 teŋgenı nemese 29% qūraidy.
Jalaqyny arttyru densaulyq saqtau, bılım beru, äleumettık qorǧau, mädeniet, sport, auyl şaruaşylyǧy jäne basqa salalarda jūmys ısteitın 1,1 million azamattyq qyzmetşılerge qatysty.
Derekköz: biznesbastau.kz
"Adyrna" ūlttyq portaly
