پاۆلوداردا شۇڭقىرعا ءتۇسىپ كەتكەن اۆتوبۋستى ىزدەۋ جۇمىستارى جالعاسىپ جاتىر، دەپ حابارلايدى "ادىرنا" ءتىلشىسى.
جولاۋشىلاردى ىزدەۋ جۇمىستارى تاۋلىك بويى جۇرگىزىلىپ جاتىر.
"مايقايىڭ-التىن" اق تاۋ-كەن اۋدانىنداعى وپىرىلعان جەردە ىزدەستىرۋ جۇمىستارىنىڭ قارقىنى تۋرالى پاۆلودار وبلىسىنىڭ اكىمى اسايىن بايحانوۆ مالىمدەدى.
“كەشە وپىرىلعان جەردىڭ تۇبىنە تەحنيكانى ءتۇسىرۋ ءۇشىن وتكەل دايىنداۋ باستالدى. بۇل جۇمىستارعا 3 ەكسكاۆاتور، 2 تيەگىش، 2 بۋلدوزەر جۇمىلدىرىلدى. جۇمىستار تاۋلىك بويى، ۇزدىكسىز جۇرگىزىلۋدە. 5 مىڭ تەكشە مەترگە جۋىق توپىراق پەن تاۋ جىنىستارى قازىلىپ، شىعارىلدى”، - دەپ حابارلادى باسشى.
ىزدەۋ جۇمىستارىنا بارلىعى 134 ادام، 37 بىرلىك تەحنيكا، 3 كينولوگيالىق ەسەپ جانە 2 بىرلىك درون جۇمىلدىرىلدى.
ەسكە سالا كەتەيىك، 4 قاڭتار كۇنى ساعات 01:25 شاماسىندا پاۆلودار وبلىسى باياناۋىل اۋدانىندا، مايقايىڭ كەنىشىنىڭ ماڭىندا ءتورت جولاۋشىسى بار اۆتوبۋس شاحتا ماڭىنداعى شۇڭقىرعا قۇلاپ كەتكەن بولاتىن.
