Soltústik Qazaqstan oblysynyń statıstıka departamentiniń 28 jastaǵy qyzmetkeri páter ıesin aıaýsyz óltirgen. Er adam 11 jylǵa bas bostandyǵynan aıyryldy, dep habarlaıdy «Adyrna» ulttyq portaly Zakon.kz saıtyna silteme jasap.
Belgili bolǵandaı, Mıhaıl Maleev Soltústik Qazaqstan oblysynyń Statıstıka departamentinde maman bolyp jumys istep, Petropavlda 64 jastaǵy zeınetkerden jalǵa alǵan páterde áıelimen birge turǵan. 25 mamyrda er adam úı ıesine tólemdi keıinge qaldyrýdy surap kelgen. Alaıda zeınetker odan bas tartady dep oılap, ózimen birge pyshaq alyp ketken.
«Zeınetker keıinge qaldyrýdan bas tartqan soń, er adam pyshaǵyn alyp, qatygezdikpen onyń keýdesine, ishine jáne basynyń artqy jaǵyna birneshe ret soqqy bere bastaǵan. Soqqylardan keıin pyshaqtyń júzi deformaııaǵa ushyrap, maıysqan. Sottalýshy ashana ústelinen taǵy bir pyshaqty alyp, ekinshi pyshaq ta maıysqansha urýdy jalǵastyrǵan», - dep jazady basylym qylmystyq is materıaldaryna silteme jasap.
Artynsha er adam úıge spırttik ishimdik shashyp, órtep jibergen.
Ótken jyldyń qazan aıynda 28 jastaǵy Maleev sot aldynda jaýap berdi. Proess barysynda sottalýshy kinásin moıyndady. Qylmyskerdiń aıtýynsha, áıel adam ony qorlaǵan, oqıǵaǵa osy jaǵdaı sebep bolǵan. Biraq sot bul aıǵaqtardy eskergen joq.
Prokýror Mıhaıl Maleevtiń qylmysyn Qazaqstan Respýblıkasy Qylmystyq kodeksiniń 99-babyna sáıkes «erekshe qatygezdikpen kisi óltirý» dep saralap, 17 jylǵa bas bostandyǵynan aıyrýdy surady.
Sot Maleevti 11 jylǵa bas bostandyǵynan aıyrý týraly sheshim qabyldady.
«Adyrna» ulttyq portaly
