Soltüstık Qazaqstan oblysynyŋ statistika departamentınıŋ 28 jastaǧy qyzmetkerı päter iesın aiausyz öltırgen. Er adam 11 jylǧa bas bostandyǧynan aiyryldy, dep habarlaidy «Adyrna» ūlttyq portaly Zakon.kz saityna sılteme jasap.
Belgılı bolǧandai, Mihail Maleev Soltüstık Qazaqstan oblysynyŋ Statistika departamentınde maman bolyp jūmys ıstep, Petropavlda 64 jastaǧy zeinetkerden jalǧa alǧan päterde äielımen bırge tūrǧan. 25 mamyrda er adam üi iesıne tölemdı keiınge qaldyrudy sūrap kelgen. Alaida zeinetker odan bas tartady dep oilap, özımen bırge pyşaq alyp ketken. «Zeinetker keiınge qaldyrudan bas tartqan soŋ, er adam pyşaǧyn alyp, qatygezdıkpen onyŋ keudesıne, ışıne jäne basynyŋ artqy jaǧyna bırneşe ret soqqy bere bastaǧan. Soqqylardan keiın pyşaqtyŋ jüzı deformasiiaǧa ūşyrap, maiysqan. Sottaluşy ashana üstelınen taǧy bır pyşaqty alyp, ekınşı pyşaq ta maiysqanşa ūrudy jalǧastyrǧan», - dep jazady basylym qylmystyq ıs materialdaryna sılteme jasap. Artynşa er adam üige spirttık ışımdık şaşyp, örtep jıbergen. Ötken jyldyŋ qazan aiynda 28 jastaǧy Maleev sot aldynda jauap berdı. Prosess barysynda sottaluşy kınäsın moiyndady. Qylmyskerdıŋ aituynşa, äiel adam ony qorlaǧan, oqiǧaǧa osy jaǧdai sebep bolǧan. Bıraq sot būl aiǧaqtardy eskergen joq. Prokuror Mihail Maleevtıŋ qylmysyn Qazaqstan Respublikasy Qylmystyq kodeksınıŋ 99-babyna säikes «erekşe qatygezdıkpen kısı öltıru» dep saralap, 17 jylǧa bas bostandyǧynan aiyrudy sūrady. Sot Maleevtı 11 jylǧa bas bostandyǧynan aiyru turaly şeşım qabyldady.«Adyrna» ūlttyq portaly
Ūqsas jaŋalyqtar
