ادىلەت مينيسترلىگى اداي تۇقىمداس جىلقىنىڭ 6 ءتۇرىن جاڭا ۇلتتىق برەند رەتىندە تىركەدى. بۇل تۋرالى ادىلەت مينيسترلىگىنىڭ رەسمي وكىلى تالعات ءۋالي مالىمدەدى، دەپ حابارلايدى «ادىرنا» ءتىلشىسى.
«28 جەلتوقساندا ادىلەت مينيسترلىگىنىڭ «ۇلتتىق زياتكەرلىك مەنشىك ينستيتۋتى» رمك اۋىل شارۋاشىلىعى مينيسترلىگى اپروباتسيا جونىندەگى مەملەكەتتىك كوميسسياسىنىڭ قورىتىندىسى نەگىزىندە سەلەكتسيالىق جەتىستىككە التى پاتەنت بەرۋ تۋرالى شەشىم قابىلدادى جانە سەلەكتسيالىق جەتىستىكتەردىڭ مەملەكەتتىك تىزىلىمىندە تىركەدى. وسىنىڭ نەگىزىندە اداي جىلقىسىنىڭ جاڭا تۇقىمدارىن قازاقستاننىڭ سەلەكتسيالىق جەتىستىگى رەتىندە تىركەۋ جانە پاتەنت يەلەنۋشىنىڭ سەلەكتسيالىق جەتىستىكتى پايدالانۋعا ايرىقشا قۇقىعىن، ونىڭ باسىمدىعى مەن سەلەكتسيونەردىڭ اۆتورلىعىن كۋالەندىرەتىن پاتەنتتەر بەردى»،—دەلىنگەن حابارلامادا.
ەستەرىڭىزگە سالا كەتەيىك، مەملەكەت باسشىسى قاسىم-جومارت توقاەۆتىڭ ماڭعىستاۋ وبلىسىنا ساپارىنىڭ قورىتىندىسى بويىنشا ۇكىمەتكە اداي اسىل تۇقىمدى جىلقىسىن عىلىمي تۇرعىدان دالەلدەۋ جانە ءوسىمىن مولايتۋ بويىنشا جەدەل جۇمىس جۇرگىزۋ تۋرالى تاپسىرما بەرىلگەن بولاتىن.
