بۇرىنعى ادىلەت ءمينيسترى مارات بەكەتاەۆتىڭ قاماۋدا ۇستاۋ مەرزىمى ەكى ايعا ۇزاردى، دەپ حابارلايدى «ادىرنا» ءتىلشىسى.
«استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى م. بەكەتاەۆقا قاتىستى قاماۋدا ۇستاۋ تۇرىندەگى بۇلتارتپاۋ شاراسىن 2024 جىلعى 21 قاڭتارعا دەيىن ۇزارتۋعا سانكتسيا شىعاردى»،—دەلىنگەن حابارلامادا.
ەسكە سالايىق، قازان ايىندا ەكس-مينيستر لاۋازىمدىق وكىلەتتىگىن اسىرا پايدالاندى دەگەن كۇدىك بويىنشا ۇستالعان بولاتىن. انتيكوردىڭ ءباسپاسوز قىزمەتىنىڭ ايتۋىنشا، ول تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارتتار جاساۋ ارقىلى ۇلەستەس كومپانيانىڭ مۇددەلەرىن قولداعان.
مارات بەكەتاەۆ 2016-2022 جىلدارى ادىلەت ءمينيسترى قىزمەتىن اتقاردى. 2022 جىلعى قاڭتاردا پرەمەر-ءمينيستردىڭ كەڭەسشىسى قىزمەتىنە تاعايىندالىپ، بۇل لاۋىزىمنان 2022 جىلعى جەلتوقساندا بوساتىلدى.
