بەلگىلى زاڭگەر جاننا ۋرازباحوۆا دينا تاڭسارىگە جاريالانعان ىزدەۋگە قاتىستى پىكىر ءبىلدىردى، دەپ حابارلايدى "ادىرنا" ءتىلشىسى.
زاڭگەر جاننا ۋرازباحوۆا الەۋمەتتىك جەلىدەگى پاراقشاسىندا "نەمولچي" قورىنىڭ جەتەكشىسى دينا ءتاڭسارىنى تولىعىمەن قولدايتىنىن ايتىپ، جازبا جاريالادى.
"مەن دينا ءتاڭسارىنى تولىعىمەن قولدايمىن. ءبىز بەس جىلدان بەرى بايلانىستامىز. مەن بۇل ايەلدىڭ ىستەپ جۇرگەن جۇمىسىنىڭ بارلىعىن قولدايمىن. دينا بالالار مەن ايەلدەرگە كوپ جاقسىلىق جاساعان ايەل. مەن دينانى تولىعىمەن قولدايمىن. بۇل – ساياسي قۋدالاۋ”، – دەدى زاڭگەر.
جاننا ۋرازباحوۆانىڭ ويىنشا، دينا تاڭسارىگە كىنا ارتپاي، العىس ايتىلۋى كەرەك.
"دينا جاساپ جۇرگەن دۇنيەلەرى ءۇشىن العىس الۋى كەرەك ادام. قۇقىق قورعاۋ ورگاندارىنىڭ ءارتۇرلى اقپاراتتارىنا سەنبەۋ قاجەت. ولار وزدەرىنىڭ تاراپىنا جاسالىپ جاتقان سىندى ەستىگىسى كەلمەيدى”، –دەيدى جاننا ۋرازباحوۆا.
