"نەمولچي" قورىنىڭ نەگىزىن قالاۋشى دينا ءتاڭسارى ىزدەستىرىلىپ جاتقانى ايتىلدى، دەپ حابارلايدى "ادىرنا" ءتىلشىسى.
بۇل اقپارات قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالاندى.
دينا سمايلوۆا قازىر قۇقىقتىق ستاتيستيكا جانە ارنايى ەسەپكە الۋ پورتالىنداعى قىلمىستىق ىزدەستىرۋ بازاسىنا ەنگىزىلگەن. ونى ىزدەۋ، ءتىنتۋ جۇرگىزەتىن ورگان رەتىندە وسكەمەن قالالىق ىشكى ىستەر باسقارماسى كورسەتىلگەن.
6 جەلتوقسان كۇنى دينا ءتاڭسارى دەگەن لاقاپ اتپەن تانىلعان قازاقستاندىق بەلسەندى دينا سمايلوۆاعا قاتىستى قىلمىستىق ءىس تەرگەلىپ جاتقانى انىقتالدى. سوتقا دەيىنگى تەرگەپ-تەكسەرۋ قىلمىستىق كودەكستىڭ 190-بابىنىڭ 3-بولىگى (ەكى نەمەسە ودان دا كوپ ادامعا جاسالعان الاياقتىق) بويىنشا جۇرگىزىلۋدە.
ەسكە سالا كەتەيىك، دينا ءتاڭسارى قازاقستان بيلىگى قۋدالاۋدا دەپ ايىپتاپ، حالىقارالىق قاۋىمداستىقتان كومەك سۇراعان بولاتىن.
"27 مامىردا ماعان الماتى قالالىق پوليتسيا دەپارتامەنتى الماتى قالالىق پروكۋراتۋراسىمەن بىرلەسە وتىرىپ، قىلمىستىق كودەكستىڭ 147-بابىنىڭ 5-بولىگى (جەكە ومىرگە قول سۇعىلماۋشىلىقتى بۇزۋ), 274-باپ (كۇدىكتى) جانە 274-باپتىڭ 2-بولىگى – (كورىنەۋ جالعان اقپارات تاراتۋ) باپتارى بويىنشا ايىپ تاقتى", - دەپ جازدى دينا ءتاڭسارى.
وتكەن ايدا دا دينا سمايىلوۆاعا قاتىستى الاياقتىق ءىس تەرگەلۋدە ەكەنىن حابارلانعان.
