استاناداعى اۋليە ماريا ريم-كاتوليك ارحيەپارحياسىنىڭ ەپيسكوپتارى ريم پاپاسىنان ءبىرجىنىستى جۇپتارعا باتا بەرۋ رۇقساتىن قايتارىپ الۋدى سۇرادى, دەپ حابارلايدى “ادىرنا” ۇلتتىق پورتالى.
ارحيەپارحيا «مۇنداي باتا قۇدايدىڭ ايانىنا جانە كاتوليك شىركەۋىنىڭ ەكى مىڭ جىلدىق ۇزدىكسىز دوكتريناسى مەن تاجىريبەسىنە تىكەلەي قايشى كەلەدى» دەپ سانايدى.
يەرارحتار مۇنداي باتا «قۇدايدىڭ ەڭ قاسيەتتى ەسىمىنە اۋىر قيانات جاساۋ بولىپ تابىلادى، ويتكەنى ونىڭ ەسىمى نەكە ادالدىعىن بۇزۋدىڭ نەمەسە گوموسەكسۋالدىق ارەكەتتىڭ وبەكتيۆتى كۇنا بىرلەستىگىندە شاقىرىلادى» دەپ سانايدى.
ايتا كەتسەك، ريم پاپاسى فرانتسيسك ءدىني قىزمەتكەرلەرگە ءبىر جىنىستى جۇپتارعا باتا بەرۋگە رۇقسات بەرگەن بولاتىن. بۇل تۋرالى ۆاتيكاننىڭ سەنىم دوكتريناسى كونگرەگاتسياسىنىڭ – Fiducia supplicans دەكلاراتسياسىندا ايتىلعان.
