مەديتسينالىق قىزمەتتەردىڭ ساپاسىن ارتتىرۋ ءۇشىن 2023 جىلى مساك (العاشقى مەديتسينالىق-سانيتارلىق كومەك) جاڭا بىرىڭعاي ستاندارت ەنگىزۋ باستالدى. بۇل تۋرالى وكق بريفينگىندە قالا اكىمى ەربولات دوساەۆ مالىمدەدى.
جاڭا ستاندارتتار بويىنشا اۋەزوۆ جانە جەتىسۋ اۋداندارىندا 2 مساك ورتالىعى جانە 1 جاڭا ەمحانا اشىلدى. تاعى 4 مساك ورتالىعىنىڭ قۇرىلىسى جۇرگىزىلۋدە، سونداي-اق 11 مساك ورتالىعى مەن ەمحانالاردىڭ قۇرىلىسىنا جسق ازىرلەنۋدە.
4 جاڭا ستاتسيونار سالۋعا، 5 قولدانىستاعى اۋرۋحانا مەن 5 جەدەل مەديتسينالىق كومەك قوسالقى ستانتسياسىن جاڭعىرتۋعا جسق ازىرلەۋ باستالدى.
كادرلىق الەۋەتتى ارتتىرۋ ءۇشىن رەسپۋبليكانىڭ عىلىمي ورتالىقتارىنىڭ بازاسىندا، گەرمانيا، يزرايل، تۇركيا كلينيكالارىندا 3 340 دارىگەر قايتا دايارلاۋدان ءوتتى. رەزيدەنتتەر ءۇشىن 136 گرانت، ورتا مەديتسينالىق پەرسونال ءۇشىن 1 116 گرانت ءبولىندى.
جالپى، دەنساۋلىق ساقتاۋ سالاسىن قارجىلاندىرۋ 2023 جىلعى 36,5 ملرد. تەڭگەدەن 2024 جىلى 41,0 ملرد. تەڭگەگە دەيىن 12,3% - عا ۇلعايادى.
الماتىدا مساك بىرىڭعاي ستاندارتى قالا باسشىسى ەربولات دوساەۆتىڭ تاپسىرماسى بويىنشا الدىڭعى قاتارلى حالىقارالىق تاجىريبە نەگىزىندە ازىرلەندى. ول مەديتسينالىق كومەك كورسەتۋ رەگلامەنتتەرىنە، جوبالىق-تەحنولوگيالىق شەشىمدەرگە، تسيفرلاندىرۋعا جانە ەمحانالاردىڭ مەنەدجمەنتىنە 4 نەگىزگى كريتەري بويىنشا تۇبەگەيلى وزگەرىستەر ەنگىزۋدى كوزدەيدى، ولار: قولجەتىمدىلىك، ساپا، تەحنولوگيالىلىق جانە جايلىلىق.
