Jezqazǧan qalasynyŋ äkımı Qairat Şaijanov qaladaǧy Jylu energiia ortalyǧyndaǧy (JEO) qazandyqtardyŋ toqtap qaluyna qatysty jauap berdı, dep habarlaidy "Adyrna" tılşısı Kazinform saityna sıltep.
Qazırgı uaqytta JEO-da 2 qazandyq qana jūmys ıstep tūr, jylu jelılerındegı temperatura normadan 10 gradus tömen, iaǧni qalypty 73 gradustyŋ ornyna, bızde 63 gradus.
«Keşe keşke №4 qazandyqta jaryqşa paida boldy. Aqau anyqtalǧannan keiın qazandyq öşırılıp, mamandar jöndeuge kırıstı. Qazandyq bügın saǧat 20:00-ge deiın qaita ıske qosylatyn bolady. Bügın saǧat 7:15-te №5 qazandyqta taǧy bır jaryqşa anyqtaldy. Būl jöndeu jūmystary taŋerteŋ aiaqtalady dep kütılude. №6 qazandyq bügın saǧat 10:15-te ısten şyqty, tütın sorǧyş qozǧaltqyşy ısten şyqqan. Atalmyş qazandyq bügın tün ortasyna deiın qalypqa keltırıledı dep kütılude», - dep mälımdedı qala äkımı Qairat Şaijanov.
Qala basşylyǧy osy tünde 4 qazandyq jūmys ıstep, temperatura qalypqa keledı dep uäde berıp otyr. JEO mamandary taŋerteŋ 10.00-de 5-şı qazandyqty ıske qosudy josparlap otyr.Ūqsas jaŋalyqtar
