«سامۇرىق-قازىنا» ۇلتتىق ءال-اۋقات قورى» اق مەن «بايتەرەك» ۇلتتىق باسقارۋشى حولدينگىنە» 2024 جىلى شەتەلدەن 17,525 ميلليارد دوللارعا دەيىن قارىز الۋعا رۇقسات بەرىلمەك، دەپ حابارلايدى "ادىرنا" سايتى.
«2024 جىلعا ارنالعان كۆازيمەملەكەتتىك سەكتوردىڭ سىرتقى قارىزىنىڭ قوسا بەرىلىپ وتىرعان شەكتى مولشەرى بەكىتىلسىن»، - دەلىنگەن ۇلتتىق ەكونوميكا مينيسترلىگىنىڭ بۇيرىعىنىڭ جوباسىندا.
وتىنىمگە سايكەس، ولار 2024 جىلى «سامۇرىق-قازىنا» قورىنا 5 741 720 000 000 تەڭگەگە دەيىن نەمەسە 12 482 000 000, ال «بايتەرەك» حولدينگىنە 2 319 780 000 400 نەمەسە 5 000 000 تەڭگەگە دەيىن شەتەلدەن قارىز الۋعا رۇقسات بەرگىسى كەلەدى.
اقش دوللارىنداعى سوما $1 ءۇشىن 460 ت. باعامى بويىنشا بەرىلەدى.
«جوبانى قابىلداۋ تەرىس الەۋمەتتىك-ەكونوميكالىق جانە/نەمەسە قۇقىقتىق سالدارعا اكەپ سوقپايدى جانە ۇلتتىق قاۋىپسىزدىكتى قامتاماسىز ەتۋگە اسەر ەتپەيدى»، - دەلىنگەن قۇجاتتىڭ تۇسىندىرمە حاتىندا.
