الماتى وبلىسى گۇلدالا اۋىلىندا ەكى جەكە تۇرعىن ۇيدە گاز جارىلدى، دەپ حابارلايدى "ادىرنا" ۇلتتىق پورتالى.
تالعار اۋدانى اكىمدىگىنىڭ ءباسپاسوز قىزمەتى جەكە تۇرعىن ۇيدە گاز جارىلىپ، ءتورت ادام زارداپ شەكتى. قازىر زارداپ شەككەندەر اۋرۋحاناعا جاتقىزىلدى.
"17 جەلتوقسان ساعات 06:15-تە گۇلدالا اۋىلى بايتۇرسىنوۆ كوشەسى 67 مەكەن-جايىنداعى جانە ساعات 08:20-دا گۇلدالا اۋىلى، ءسۇيىنباي كوشەسى، 34 مەكەن-جايىنداعى جەكە تۇرعىن ۇيلەردە گاز-اۋا قوسپاسىنىڭ ورشۋىنەن گازدىڭ جارىلۋى ورىن الدى. جارىلىس سالدارىنان 4 ادام زارداپ شەكتى. زارداپ شەككەندەر اۋرۋحاناعا جاتقىزىلدى. جارىلىستىڭ الدىن الا سەبەبى – تابيعي گاز قۇبىرىنداعى قىسىمنىڭ جوعارىلاۋى مۇمكىندىگىنەن بولۋى بولجامى بار. ناقتى سەبەبىن انىقتاۋ ءۇشىن توتەنشە جاعدايلار دەپارتامەنتىنىڭ انىقتاۋشىلارى جۇمىس جۇرگىزۋدە", - دەپ مالىمدەلگەن تالعار اۋداندىق اكىمدىگىنىڭ ءباسپاسوز قىزمەتى.
تالعار اۋدانىنىڭ اكىمى تانات ايداربەكوۆ وقيعا ورنىنا بارىپ، وقيعا سالدارىمەن تانىستى.
گۇلدالا اۋىلدىق وكرۋگى اكىمىنىڭ اپپاراتىنا جانە اۋداندىق توتەنشە جاعدايلار بولىمىنە الدىن الۋ شارالارىن ۇيىمداستىرىپ، تۇرعىن ۇيلەردى ارالاپ، تەكسەرۋ جۇمىستارىن قولعا الۋدى تاپسىرعان.
