ەلىمىزدىڭ 5 وبلىسىندا رەسپۋبليكالىق ماڭىزى بار اۆتوجولداردىڭ 8 ۋچاسكەسىندە اۆتوكولىكتەرگە شەكتەۋ قويىلدى، دەپ حابارلايدى "ادىرنا" ۇلتتىق پورتالى.
قازاۆتوجول اق اۋا-رايىنىڭ ناشارلاۋىنا بايلانىستى رەسپۋبليكانىڭ 5 ايماعىندا جول جابىق ەكەنىن حابارلادى.
قازىر اۋا تەمپەراتۋراسى تومەندەپ، بوران سوعىپ، جولدار كورىنبەي تۇرعاندىقتان رەسپۋبليكالىق ماڭىزى بار اۆتوجولداردىڭ 8 ۋچاسكەسىندە اۆتوكولىكتەرگە شەكتەۋ قويىلعان. ولار:
"الماتى-تاشكەنت-تەرمەز" 59-143 كم، جاڭاقۇرىلىس اۋىلى مەن جامبىل وبلىسىنىڭ شەكاراسىنداعى جول ۋچاسكەسىندە جول جابىق.
"اقتوبە-اتىراۋ - رەسەي فەدەراتسياسىنىڭ شەكاراسى (استراحانعا)" 712-893 كم، جانباي كەنتى مەن رەسەي فەدەراتسياسىنىڭ شەكاراسىنا دەيىن كولىكتىڭ بارلىق تۇرىنە جۇرۋگە بولمايدى.
جامبىل وبلىسىندا اۋا رايىنىڭ ناشارلىعىنا بايلانىستى "الماتى-تاشكەنت-تەرمەز" باعىتىندا 59-143 شاقىرىمى، جاڭاقۇرىلىس اۋىلى - جامبىل وبلىسىنىڭ شەكاراسىنداعى ۋچاسكەدە كولىكتىڭ بارلىق تۇرلەرىنە شەكتەۋ قويىلعان.
ال جامبىل وبلىسىندا 4 ۋچاسكە، 505 كم جول جابىلعان:
1. "الماتى-تاشكەنت-تەرمەز" كەنەن جانە قاينار اۋىلى (جاڭا قورداي اسۋى) - 95 كم;
2. "شۋ-قاينار" ۋچاسكەسىنىڭ 56 كم;
3. "الماتى-تاشكەنت-تەرمەز" كم. 239-593, قاينار اۋىلى مەن تۇركىستان وبلىسى شەكاراسىندا - 354 كم;
4. "الماتى-تاشكەنت-تەرمەز" باعىتىنداعى 143-238 كم، الماتى وبلىسى - قاينار اۋىلى اراسىنداعى ۋچاسكەلەردە كولىكتىڭ بارلىق تۇرلەرىنە شەكتەۋ قويىلعان.
جەتىسۋ وبلىسىندا كوكتۇما جانە دوستىق ستانتسيالارىنىڭ اراسى، " ءۇشارال – دوستىق" ۋچەسكەسىندە 100 كم جول جابىق. بۇل ايماقتا بۇرقاسىن قار، كوكتايعاق بولىپ تۇر.
تۇركىستان وبلىسىندا دا "الماتى-تاشكەنت-تەرمەز" 593-654 كم، جامبىل وبلىسىنىڭ شەكاراسى مەن ماشات اۋىلى - 61 شاقىرىمىندا كولىكتىڭ بارلىق تۇرىنە شەكتەۋ قويىلدى.
قازىر رەسپۋبليكالىق ماڭىزى بار اۆتوجولداردا 357 تەحنيكا جۇمىلدىرىلعان.
ەسكە سالا كەتەيىك، اۋا رايىنىڭ ناشارلاۋىنا بايلانىستى جامبىل وبلىسىندا كولىكتەر مەن پويىزدار جولدا قالىپ، توتەنشە جاعداي جاريالانعان بولاتىن.
