الماتىدا ەسەنتاي وزەنىندە سۋ تاسقىنى ءجۇردى، دەپ حابارلايدى "ادىرنا" ءتىلشىسى اكىمدىكتىڭ ءباسپاسوز قىزمەتىنە سىلتەمە جاساپ.
سوڭعى ەكى كۇندە الماتىدا اۋا تەمپەراتۋراسى 0 گرادۋسقا دەيىن جىلىپ، اۋا رايى وزگەردى. سالدارىنان وسپانوۆ كوشەسىنىڭ تومەنگى بولىگىندە ورنالاسقان ەسەنتاي وزەنى ارناسىنىڭ بويىندا قار مەن قاتقان مۇز ەرىدى. ناتيجەسىندە سەكۋندىنا 20 تەكشە مەترگە دەيىنگى ماكسيمالدى اعىنمەن جەرگىلىكتى مۇزدى سۋ تاسقىنى بولىپ، سۋ دەڭگەيى 1,5 مەترگە كوتەرىلگەن.
اكىمدىكتىڭ مالىمەتىنشە، كوممۋنالدىق قىزمەت سۋ تاسقىنى توقتاتقان. ارناسىنان تاسىعان وزەن سۋىن توقتاتۋ ءۇشىن 60-قا جۋىق قىزمەتكەر جۇمىلدىرىلىپتى.
"جينالعان سۋدىڭ بولجامدى كولەمى شامامەن 15 مىڭ تەكشە مەتر سۋدى قۇرايدى. ەسەنتاي تۇندىرعىشى سۋدىڭ ۇلكەن ماسساسىن ۇستاۋعا ارنالعان، تۇندىرعىشتىڭ استىندا سۋ ارنايى قۇبىرلار ارقىلى كەدەرگىسىز جانە تاسقىنسىز اعىپ جاتىر", - دەپ حابارلادى قالا اكىمدىگى.
قازىرگى ۋاقىتتا جاعداي تۇراقتى، زارداپ شەككەندەر جوق.
