يندۋستريا جانە ينفراقۇرىلىمدىق دامۋ ۆيتسە-ءمينيسترى بولعان تيمۋر توقتاباەۆقا قاتىستى ۇكىم اپەللياتسيالىق تارتىپپەن قايتا قارالدى. بۇل تۋرالى استانا قالالىق سوتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
قازان ايىندا شەنەۋنىك اۋىر زارداپتارعا اكەپ سوققان لاۋازىمدىق وكىلەتتىكتەرىن اسىرا پايدالانعانى ءۇشىن كىنالى دەپ تانىلىپ، 7 جىلعا باس بوستاندىعىنان ايىرىلعان ەدى.
«ءىس جازانى وتەۋ مەكەمەسىن وزگەرتۋدى سۇراعان پروكۋروردىڭ اپەللياتسيالىق ءوتىنىشى بويىنشا، سونداي-اق سوتتالعان مەن ونىڭ قورعاۋشىلارىنىڭ ەكس-ۆيتسە-ءمينيستردىڭ كىناسىزدىگى تۋرالى دالەلدەرى كورسەتىلگەن اپەللياتسيالىق شاعىمدارى بويىنشا قايتا قارالدى. سوتتالعاننىڭ قىلمىس جاساۋداعى كىناسىنىڭ دالەلدەنگەنىنە سايكەس، استانا قالالىق سوتىنىڭ قىلمىستىق ىستەر جونىندەگى سوت القاسىمەن ۇكىمنىڭ كۇشىن جويۋعا نەگىز بولعان جوق»،—دەلىنگەن حابارلامادا.
سوت ۇكىمى قىلمىستىق-اتقارۋ جۇيەسى مەكەمەسىندە باس بوستاندىعىنان ايىرۋ تۇرىندەگى جازانى تومەنگى قاۋىپسىزدىكتەن ورتاشاعا قاۋىپسىزدىكتە وتەۋ بولىگىنە وزگەرتىلدى. ۇكىم زاڭدى كۇشىنە ەندى.
