شۋ اۋدانىنا قاراستى تولە بي اۋىلدىق وكرۋگىندەگى مۇحتار اۋەزوۆ اتىنداعى شاعىن ورتالىقتى ورتا مەكتەبىندە “بەيبىت كۇننىڭ باتىرى” اتتى مەكتەپ تۇلەگى ەرلان توحتاربايۇلى رايىمقۇلوۆتىڭ ەرلىگىن ناسيحاتتاۋ، ازاماتتىعىن ۇلگى ەتۋ، وسكەلەڭ ۇرپاققا پاتريوتتىق تاربيە بەرۋ ماقساتىندا جيىن بولىپ ءوتتى، – دەپ حابارلايدى “ZhambylNews” اقپاراتتىق اگەنتتىگى.
جيىنعا شۋ اۋدانى اكىمىنىڭ ورىنباسارى ءا.ءا.بالقىبەكوۆ،شۋ اۋداندىق قورعانىس ىستەرى جونىندەگى ءبولىم باستىعىنىڭ ورىنباسارى ق.ك.بەكسەيىتوۆ تاعى دا باسقا شاقىرىلعان قوناقتار قاتىستى.
ەسكە سالساق، 2019 جىلعى 10 مامىر كۇنى 47762 اسكەري ءبولىمنىڭ اسكەري قىزمەتشىسى، مەكتەبىمىزدىڭ تۇلەگى، سەرجانت ەرلان توحتاربايۇلى رايىمقۇلوۆ ءوز ءومىرىن قاۋىپ-قاتەرگە تىگىپ، سۋعا باتىپ بارا جاتقان بالانى قۇتقارىپ،ءوزى قايتىس بولدى.
ادام ءومىرىن قۇتقارۋعا قاتىستى سىن ساعاتى سوققان كەزدە ەرلىك پەن قايسارلىق تانىتقانى ءۇشىن سەرجانت ەرلان رايىمقۇلوۆ قايتىس بولعاننان كەيىن قازاقستان رەسپۋبليكاسى پرەزيدەنتىنىڭ جارلىعىمەن “جاۋىنگەرلىك ەرلىگى ءۇشىن” مەدالىمەن، ءوز ومىرىنە تونگەن قاۋىپتى ەلەمەي،ادام ءومىرىن قۇتقارۋدا باتىلدىعى مەن جانقيارلىعى،جانكەشتىگى ءۇشىن “توتەنشە جاعدايداعى ەرلىگى ءۇشىن” توسبەلگىسىمەن ماراپاتتالعان بولاتىن.
