Şu audanyna qarasty Töle bi auyldyq okrugındegı Mūhtar Äuezov atyndaǧy şaǧyn ortalyqty orta mektebınde “Beibıt künnıŋ batyry” atty mektep tülegı Erlan Tohtarbaiūly Raiymqūlovtyŋ erlıgın nasihattau, azamattyǧyn ülgı etu, öskeleŋ ūrpaqqa patriottyq tärbie beru maqsatynda jiyn bolyp öttı, – dep habarlaidy “ZhambylNews” Aqparattyq Agenttıgı.
Jiynǧa Şu audany äkımınıŋ orynbasary Ä.Ä.Balqybekov,Şu audandyq qorǧanys ısterı jönındegı bölım bastyǧynyŋ orynbasary Q.K.Bekseiıtov taǧy da basqa şaqyrylǧan qonaqtar qatysty.
Eske salsaq, 2019 jylǧy 10 mamyr künı 47762 äskeri bölımnıŋ äskeri qyzmetşısı, mektebımızdıŋ tülegı, serjant Erlan Tohtarbaiūly Raiymqūlov öz ömırın qauıp-qaterge tıgıp, suǧa batyp bara jatqan balany qūtqaryp,özı qaitys boldy.
Adam ömırın qūtqaruǧa qatysty syn saǧaty soqqan kezde erlık pen qaisarlyq tanytqany üşın serjant Erlan Raiymqūlov qaitys bolǧannan keiın Qazaqstan Respublikasy Prezidentınıŋ Jarlyǧymen “Jauyngerlık erlıgı üşın” medalımen, öz ömırıne töngen qauıptı elemei,adam ömırın qūtqaruda batyldyǧy men janqiiarlyǧy,jankeştıgı üşın “Tötenşe jaǧdaidaǧy erlıgı üşın” tösbelgısımen marapattalǧan bolatyn.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz