قالانىڭ بىرنەشە اۋدانىندا ىستىق سۋ مەن جىلۋ ۋاقىتشا ءوشىرىلدى، دەپ حابارلايدى "ادىرنا" ۇلتتىق پورتالى. بۇل تۋرالى «الماتى جىلۋ جەلىلەرى» جشس حابارلادى.
ديامەترى 300 مم قۇبىرداعى بۇزىلۋدى جويۋ ءۇشىن قازىبەك بي – قاراساي باتىر – قوناەۆ – دوستىق كوشەلەرىنىڭ تىزبەگىندە ىستىق سۋ جانە جىلۋ بەرۋ ۋاقىتشا ءوشىرىلدى.
جشس "AlTS"
كومپانياداعىلار «الماتى جىلۋ جەلىلەرى» جشس-ءنىڭ جەدەل بريگاداسى ولقىلىقتاردى جويۋ جۇمىستارىن جۇرگىزىپ جاتقانىن ءتۇسىندىردى.
جوسپارلانعان جويۋ مەرزىمى بۇگىن ساعات 20:00-گە دەيىن.
جشس "AlTS"
قالا تۇرعىندارىنان «ۋاقىتشا قولايسىزدىقتارعا» تۇسىنىستىكپەن قاراۋدى سۇرادى.
توتەنشە جاعداي ورىن العان جاعدايدا (سۋدىڭ، بۋدىڭ شىعۋى) ءوز بەتىنشە ارەكەت ەتپەڭىز جانە وقيعا تۋرالى «AlTS» جشس اپاتتىق-ديسپەتچەرلىك قىزمەتىنە تاۋلىك بويى +7 727 378 06 65 بويىنشا حابارلاڭىز. 08:00-دەن 18:00-گە دەيىن قوڭىراۋلاردى قابىلدايدى.
جشس "AlTS"
"ادىرنا" ۇلتتىق پورتالى
