استانا پوليتسيا دەپارتامەنتى اۆتوكولىك جۋشى كولىكتەن كليەنتتىڭ بانكتىك كارتاسىن ۇرلاپ، اقشاسىن جۇمساعانى تۋرالى مالىمدەدى، دەپ حابارلايدى «ادىرنا» ۇلتتىق پورتالى.
ۆەدومستۆونىڭ ءباسپاسوز قىزمەتىنىڭ حابارلاۋىنشا، پوليتسياعا قالا تۇرعىنى ارىز ءبىلدىرىپ، ونىڭ بانكتىك كارتاسىن بەلگىسىز ادام پايدالانعانىن حابارلاعان.
«سارىارقا اۋداندىق ءىىب وبلىستىق كريمينالدىق پوليتسيا باسقارماسىنىڭ قىزمەتكەرلەرى جەدەل ىزدەستىرۋ ءىس-شارالارى بارىسىندا 39 جاستاعى قالا تۇرعىنىن كۇدىكتى دەپ انىقتادى. انىقتالعانداي، جابىرلەنۋشى كەشكى ۋاقىتتا كولىك جۋ ورنىنا توقتاپ، كولىكتى تاستاپ كەتكەن. ءبىراز ۋاقىتتان كەيىن كولىكتى الىپ كەتىپ قالادى. كەلەسى كۇنى ونىڭ تەلەفونىنا كارتاسىنان اقشا جۇمسالعانى تۋرالى حابارلامالار كەلە باستادى. كارتوچكاسى جوق ەكەنىن بىلگەن ول پوليتسياعا حابارلاسقان. ءتارتىپ ساقشىلارى ۇرلىققا كولىك جۋ مەكەمەسىنىڭ قىزمەتكەرىنىڭ قاتىسى بارىن انىقتادى»، - دەلىنگەن پوليتسيا حابارلاماسىندا.
اتالعان فاكتى بويىنشا قك-ءنىڭ 188-بابى «ۇرلىق» بويىنشا سوتقا دەيىنگى تەرگەۋ جۇرگىزىلىپ جاتقانى، ەر ادام جاسالعان قىلمىستى مويىنداعانى اتاپ ءوتىلدى.
پوليتسيا ونىڭ ەلوردا اۋماعىندا جاسالعان باسقا دا وسىنداي قىلمىستارعا قاتىستىلىعىن تەكسەرۋدە. استانا قالاسىنىڭ پوليتسيا دەپارتامەنتى ازاماتتاردى مۇقيات بولۋعا جانە باعالى زاتتاردى قاراۋسىز قالدىرماۋعا شاقىرادى.
«ادىرنا» ۇلتتىق پورتالى
