جولاۋشىلار ۇشاعى ورال اۋەجايىنا قونا المادى. بۇل تۋرالى "موي گورود" Telegram-ارناسىنا جاريالادى، دەپ حابارلايلى “ادىرنا” ۇلتتىق پورتالى.
اقپاراتقا سايكەس، 3 جەلتوقساندا اۋا رايىنىڭ قولايسىزدىعىنا بايلانىستى ورالدا ورال-استانا رەيسى كەيىنگە شەگەرىلدى. الماتى-ورال ۇشاعى اقتوبەدەگى قوسالقى اەرودرومعا قوندى. بۇل تۋرالى باسىلىمعا ورال اۋەجايىنىڭ ءباسپاسوز قىزمەتى حابارلادى.
4 جەلتوقساندا الماتىدان ۇشاتىن رەيس كەيىنگە شەگەرىلگەن. ورالعا كەلۋدىڭ بولجامدى ۋاقىتى 16:00. الماتىدان كەلەتىن تاعى ءبىر رەيس ەكى ساعاتقا كەشىككەن. ورال اۋەجايىنىڭ ءباسپاسوز قىزمەتى 3 جەلتوقساندا ساعات 18:00-دەن 4 جەلتوقساندا ساعات 04:00-گە دەيىن كوكتايعاق بولىپ، جاڭبىر جاۋعانىن ءتۇسىندىردى.
"بۇل ۇشۋ قاۋىپسىزدىگىنە تەرىس اسەر ەتەدى، ويتكەنى جاۋىن-شاشىننان مۇز پايدا بولادى. مۇنداي جاعدايلاردا اۋەجاي مۇزعا قارسى رەاگەنتتى پايدالانادى. اۋەكومپانيالار اۋا رايى بولجامىنا جانە ىقتيمال تاۋەكەلدەرگە سۇيەنە وتىرىپ، رەيستەردى ورىنداۋ بويىنشا ءوز بەتىنشە شەشىم قابىلدايدى. ءتورتىنشى جەلتوقساندا -3-تەن +6 گرادۋسقا دەيىنگى تەمپەراتۋرانىڭ كۇرت اۋىسۋىنا بايلانىستى تۇمان قوسىلدى، بۇل كورۋدى قيىنداتادى. اۋەكومپانيالار جوعارىدا اتالعان رەيستەردى كەيىنگە قالدىرۋ تۋرالى شەشىم قابىلدادى", - دەپ حابارلادى ورال اۋەجايى.
ورال اۋەجايى اۋەكومپانيالاردىڭ جولاۋشىلارعا بارلىق قاجەتتى كومەكتى كورسەتىپ جاتقانىن اتاپ ءوتتى.
