تالدىقورعان قالاسىنا جاڭا پوليتسيا باسشىسى تاعايىندالدى، - دەپ حابارلايدى «ادىرنا» ۇلتتىق پورتالى جەتىسۋ وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
قازاقستان رەسپۋبليكاسى ىشكى ىستەر مينيسترلىگىنىڭ بۇيرىعىمەن تالدىقورعان قالاسىنىڭ پوليتسيا ءبولىمىن ەرنار شيرباەۆ باسقارادى.
«تالدىقورعان قالالىق ىشكى ىستەر باسقارماسىنىڭ جاڭا باسشىسى «پوليتسيا پودپولكوۆنيگى» ارنايى شەنىنە يە بولعان ەرنار مىرزاحمەتۇلى شيرباەۆ بۇعان دەيىن جەتىسۋ وبلىسى اقسۋ اۋداندىق ىشكى ىستەر باسقارماسىنىڭ باستىعى قىزمەتىن اتقارعان»، - دەلىنگەن حابارلامادا.
ەرنار شيرباەۆ جەدەل-تەرگەۋ بولىمشەلەرىندە جۇمىس ىستەگەن. قازاقستان رەسپۋبليكاسى ىشكى ىستەر دەپارتامەنتىندەگى قىزمەتىن تالدىقورعان قالالىق ىشكى ىستەر باسقارماسىنىڭ تەرگەۋشىسى بولىپ باستاعان.
2011-2022 جىلدارى جەتىسۋ وبلىسىنىڭ قاراتال، پانفيلوۆ، اقسۋ، ەسكەلدين، الاكول اۋداندارى مەن الماتى وبلىسى قاراساي اۋدانىنىڭ ىشكى ىستەر بولىمدەرىندە باسشىلىق قىزمەتتەردى اتقارعان.
2022 جىلدىڭ شىلدەسىندە جەتىسۋ وبلىسى اقسۋ اۋداندىق ىشكى ىستەر ءبولىمىنىڭ باستىعى بولىپ تاعايىندالدى.
ەسكە سالايىق، تالدىقورعان قالالىق ءىىب-ءنىڭ بۇرىنعى باسشىسى مارات كۇشتىباەۆ 13 قاراشادا ءوز كابينەتىندە وبلىستىق ورتالىقتىڭ 27 جاستاعى تۇرعىنىن زورلادى دەگەن كۇدىكپەن ۇستالعان بولاتىن. قازىر ول تەرگەۋدە.
