توتەنشە جاعدايلار مينيسترلىگى ەلەكتروموبيلدەردى زاريادتاۋ ستانتسيالارىنا قويىلاتىن تالاپتاردى ازىرلەدى، - دەپ حابارلايدى "ادىرنا" ءتىلشىسى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
ۆەدومستۆو ەلەكتر كولىكتەرى مەن ولاردى زاريادتاۋ ستانتسيالارىن قاۋىپسىز پايدالانۋ ماسەلەلەرىن شەشۋ بويىنشا جۇمىس جۇرگىزىلىپ جاتقانىن حابارلادى. ازاماتتىق قورعاۋ سالاسىنداعى قولدانىستاعى زاڭناماعا سايكەس، مينيسترلىكتە ەلەكتر كولىكتەرىنە ارنالعان ەلەكتر زاريادتاعىشتارىن باسقارۋعا رۇقسات بەرۋ قاراستىرىلماعان. ۆەدومستۆو اتاپ وتكەندەي، قازىرگى ۋاقىتتا ەلىمىزدە ەلەكتر كولىكتەرىنە ارنالعان ەلەكتر زاريادتاعىشتارىنىڭ قاۋىپسىز جۇمىس ىستەۋىن انىقتايتىن تالاپتار جوق.
توتەنشە جاعدايلار مينيسترلىگى ەلەكتروموبيلدەر مەن زاريادتاۋ ستانتسيالارىن (اقش، كانادا، مەكسيكا، نيدەرلاندى، شۆەيتساريا، گەرمانيا، ۇلىبريتانيا جانە رەسەي) پايدالانۋ بويىنشا شەت ەلدەردىڭ تاجىريبەسىن زەرتتەدى.
مينيسترلىك رەسەي مەن نورۆەگيا تاجىريبەسىنە سۇيەنە وتىرىپ، ەلەكتر كولىكتەرى مەن ولاردى زاريادتاۋ ستانتسيالارىنا قويىلاتىن تالاپتاردى ازىرلەپ، قۇرىلىس نورمالارىنا ەنگىزۋ ءۇشىن يندۋستريا جانە قۇرىلىس مينيسترلىگىنە جىبەردى. سونىمەن قاتار، سىرتقى ىستەر مينيسترلىگىنە قىتاي مەن تۇركيادان ەلەكتر كولىكتەرى مەن ولاردى زاريادتاۋ ستانتسيالارىن تۇراقتارعا ورنالاستىرۋ بويىنشا نورماتيۆتىك تالاپتاردى الۋ تۋرالى سۇرانىس جىبەرىلدى.
عابدۋللين اتىنداعى ازاماتتىق قورعانىس اكادەمياسىندا ليتي-يوندىق اككۋمۋلياتورلاردىڭ قۇرامىن، ولاردىڭ ادىستەرى مەن ءورت ءسوندىرۋ تاسىلدەرىن باقىلاۋ بويىنشا زەرتتەۋلەر جۇرگىزىلۋدە. سونداي-اق توتەنشە جاعدايلار مينيسترلىگى ساۋدا جانە ينتەگراتسيا مينيسترلىگىنە ەلەكتروموبيلدەر مەن ولاردى زاريادتاۋ ستانتسيالارىنا قاتىستى ءتيىستى ستاندارتتاردى قابىلداۋ قاجەتتىگى تۋرالى ۇسىنىس جولدادى.
«وسى باعىتتاعى جۇمىستار بەلسەندى جۇرگىزىلۋدە، جاقىن ارادا مەملەكەتتىك ورگاندار قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنە جانە نورماتيۆتىك-تەحنيكالىق قۇجاتتامالارىنا بارلىق قاجەتتى تۇزەتۋلەردى، سونىڭ ىشىندە ءورت قاۋىپسىزدىگى قاعيدالارىنا كەيىنگى وزگەرىستەر مەن تولىقتىرۋلاردى ەنگىزەدى، »، - دەپ حابارلادى مينيسترلىك.
ەسكە سالا كەتەيىك، بۇعان دەيىن توتەنشە جاعدايلار مينيسترلىگى جابىق تۇراقتاردا كولىكتەرگە اككۋمۋلياتور قۋاتتاعىشتارىن ورناتۋعا تىيىم سالىنعانىن مالىمدەگەن بولاتىن.
ۇقساس جاڭالىقتار
