تۇركىمەنستاننىڭ ۇلتتىق ءبىلىم بەرۋ ينستيتۋتىندا وتاندىق جوعارى جانە ورتا وقۋ ورىندارىنىڭ وقىتۋشىلارىنا بىلىكتىلىگىن ارتتىرۋ ءۇشىن نابەرەجنىە چەلنى مەملەكەتتىك پەداگوگيكالىق ۋنيۆەرسيتەتىنىڭ (نمپۋ) سەرتيفيكاتتارىن تاپسىرۋ سالتاناتتى ءراسىمى ءوتتى، دەپ جازادى "ادىرنا".
التى كۇن ىشىندە تۇركىمەنستاننان 223 مۇعالىم جەتى ءپان: بيولوگيا، حيميا، ورىس ءتىلى، ادەبيەتى، ينفورماتيكا، ماتەماتيكا جانە باستاۋىش سىنىپتاردا وقۋ ساۋاتتىلىعىن دامىتۋ بويىنشا بىلىكتىلىكتى ارتتىرۋ كۋرستارىنان ءوتتى.
كۋرستاردى تۇرىكمەنستاننىڭ ءبىلىم مينيسترلىگى، نمپۋ جانە رەسەي فەدەراتسياسىنىڭ اشحابادتاعى ەلشىلىگى ۇيىمداستىردى.
رەسەي ديپلوماتيالىق ميسسياسىنىڭ ەكىنشى حاتشىسى كيريلل ۆورونكوۆ اتاپ وتكەندەي، بۇل ەكى ەلدىڭ ءبىلىم بەرۋ سەرىكتەستىگى اياسىنداعى دەبيۋتتىك تاجىريبە. الداعى ۋاقىتتا بۇل باعىتتاعى ىنتىماقتاستىقتى تەرەڭدەتۋ جوسپارلانۋدا.
كۋرس قاتىسۋشىلارىنىڭ ايتۋىنشا، ولار بولاشاقتا جۇمىس ىستەۋگە كومەكتەسەتىن جاڭا ءبىلىم مەن داعدىلار الدى.
