«اق جول» پارتياسىنان ۇمىتكەر دانيا ەسپاەۆانى قولداۋ ءۇشىن ەلىمىزدىڭ ءىرى قالالارى نۇر-سۇلتان، الماتى جانە شىمكەنتتە اۆتوسايىس ءوتتى. ۇيىمداستىرۋشىلار – ەسپاەۆانىڭ سايلاۋالدى شتابى. اكتسياعا بارلىعى جۇزدەگەن اۆتوكولىك قاتىستى.
ەلورداداعى 30 اق ءتۇستى ماشينادان تۇراتىن كولوننا ءوز جولىن ماڭگىلىك ەل داڭعىلىنداعى «اق جول» پارتياسىنىڭ كەڭسەسىنەن باستادى. ۇيىمداستىرۋشىلاردىڭ سوزىنشە ماشينالاردىڭ اق ءتۇستى بولۋى بەكەر ەمەس، ول «اق جول» پارتياسىنىڭ اتاۋىمەن تىكەلەي بايلانىستى.
كولوننانىڭ ءاربىر كولىگى قازاقستانداعى تۇڭعىش ايەل ۇمىتكەرىن قولداۋعا باعىتتالعان جالاۋشا، ۇگىت بەلگىلەرىمەن بەزەندىرىلدى. كولىك جۇرگىزۋشىلەرىنىڭ مارشرۋتى ەلوردانىڭ ورتالىق كوشەلەرى، كوپىر، داڭعىلداردى قامتىدى. جالپى العاندا اكتسيا قاتىسۋشىلارى جۇزدەگەن شاقىرىم ءجۇرىپ ءوتتى.
«مۇنداي اۆتوسايىستى ءبىز پارلامەنتتىك سايلاۋ الدىندا وتكىزگەنبىز. وسى جولى دا ءوز ۇمىتكەرىمىزدى وسىلاي قولدايىق دەپ شەشتىك. سەبەبى – بۇل اۋقىمدى، ءارى ادەمى اكتسيا. «اق جول» دەگەن اتاۋدىڭ ءوزى اۆتوسايىسقا دالمە-ءدال كەلىپ تۇر. ءبىز دانيا ەسپاەۆاعا جەڭىس تىلەپ، بارلىق سايلاۋشىلاردى 9 مامىر كۇنى سايلاۋعا قاتىسۋعا شاقىرامىز»، - دەدى اۆتوسايىستىڭ قاتىسۋشىسى، «اق جول» پارتياسىنىڭ مۇشەسى ءازيز قوجامبەتوۆ.
اق ماشينالاردىڭ كولونناسى الماتى مەن شىمكەنت مەگاپوليستەرىندە دە ءوتتى. ءار قالادا سايلاۋالدى شتاب جەرگىلىكتى تۇرعىنداردى سايلاۋدا داۋىس بەرۋگە شاقىرعان بولاتىن.
ۇگىت ناۋقانىنىڭ سوڭعى كۇنى 7 ماۋسىمدا Raim & Artur مەن Ayree سىندى قازاقستاندىق انشىلەردىڭ قاتىسۋىمەن «مەن جاستارعا سەنەمىن» اتتى كونتسەرت وتەدى. ءىس-شارا سايلاۋىلدى ناۋقان اياسىندا جاستار جىلىنا ارنالادى. شارانىڭ باستالۋ ۋاقىتى: 19.30
«اق جول» پارتياسىنىڭ ءباسپاسوز قىزمەتى
