«Aq jol» partııasynan úmitker Danııa Espaevany qoldaý úshin elimizdiń iri qalalary Nur-Sultan, Almaty jáne Shymkentte avtosaıys ótti. Uıymdastyrýshylar – Espaevanyń saılaýaldy shtaby. Akııaǵa barlyǵy júzdegen avtokólik qatysty.
Elordadaǵy 30 aq tústi mashınadan turatyn kolonna óz jolyn Máńgilik el dańǵylyndaǵy «Aq jol» partııasynyń keńsesinen bastady. Uıymdastyrýshylardyń sózinshe mashınalardyń aq tústi bolýy beker emes, ol «Aq jol» partııasynyń ataýymen tikeleı baılanysty.
Kolonnanyń árbir kóligi Qazaqstandaǵy tuńǵysh áıel úmitkerin qoldaýǵa baǵyttalǵan jalaýsha, úgit belgilerimen bezendirildi. Kólik júrgizýshileriniń marshrýty elordanyń ortalyq kósheleri, kópir, dańǵyldardy qamtydy. Jalpy alǵanda akııa qatysýshylary júzdegen shaqyrym júrip ótti.
«Mundaı avtosaıysty biz parlamenttik saılaý aldynda ótkizgenbiz. Osy joly da óz úmitkerimizdi osylaı qoldaıyq dep sheshtik. Sebebi – bul aýqymdy, ári ádemi akııa. «Aq jol» degen ataýdyń ózi avtosaıysqa dálme-dál kelip tur. Biz Danııa Espaevaǵa jeńis tilep, barlyq saılaýshylardy 9 mamyr kúni saılaýǵa qatysýǵa shaqyramyz», - dedi avtosaıystyń qatysýshysy, «Aq jol» partııasynyń múshesi Ázız Qojambetov.
Aq mashınalardyń kolonnasy Almaty men Shymkent megapolısterinde de ótti. Ár qalada saılaýaldy shtab jergilikti turǵyndardy saılaýda daýys berýge shaqyrǵan bolatyn.
Úgit naýqanynyń sońǵy kúni 7 maýsymda Raim & Artur men Ayree syndy qazaqstandyq ánshilerdiń qatysýymen «Men jastarǵa senemin» atty konert ótedi. Is-shara saılaýyldy naýqan aıasynda Jastar jylyna arnalady. Sharanyń bastalý ýaqyty: 19.30
«Aq jol» partııasynyń baspasóz qyzmeti
