ورالمانعا قاجەتى جوق ورىس ءتىلى داۋرەندەپ، ورىس تىلدىلەر قاشانعى ۇستەمدىك قۇرا بەرمەك؟

"وتانداستار" قورىنان، جۇمىستان كەتتىك.
انىعى - كەتىردى.
ول جەرگە قازاق ۇلتىنىڭ مۇددەسىن شىنايى ويلايتىن ۇلتشىل ادامدار كەرەك ەمەس.
وتىرىك ەسەپتەر مەن جالعان ايعاي، كەلسە-كەلمەس مەماراندۋمدار مەن قارجى شاشاتىن وتىرىك جوبالار ۇسىنىپ، ورىسشا سويلەسەڭ، باسشىلىققا جاعىمسىپ، وتىرىكتى سۋشا ساپىرساڭ عانا جاعاسىڭ.
قانداستار ءىسى بويىنشا ون جىلدىق تاجىريبەمە سۇيەنىپ، ءتورت اي ادال ەڭبەك ەتتىم. ءبىراز قانداستىڭ ماڭدايىنان سيپاپ، جاسىن سۇرتتىك.
ەڭبەك ارداگەرى، كوشى-قون سالاسىنىڭ ۇزدىك مامانى مارات توكسامباەۆاعاما سايكەسىپ، قىزۋ ىنتامەن "بايلانىس ورتالىعىنىڭ" بازاسىن دايىندادىق. قۇجاتى جوق، ومىردەن تورىعىپ، وزىنە قول سالماق بولعان جاندارعا رۋحاني كۇش بەردىك.
ورىس تىلدىلەر ۇلت جاناشىرلارىن قاشاندا سيدىرمايتىنى انىق. ءبىزدىڭ بار ءمىنىمىز - قازاقشا سويلەپ، بار ىنتامىزبەن قىزمەت ەتكەنىمىز.
ۇلتتىق ۇستانىمدا بەرىك تۇرعانى ءۇشىن ءساۋىر ايىندا Madi Manatbekۇلىن دا ۆيتسە-پرەزيدەنت قىزمەتىنەن كەتىرگەن بولاتىن.
الدا سايلاۋ ناۋقانى. قۇجاتتىق ماسەلەسى اۋىر جيىرما مىڭعا جۋىق قانداس ءار جەردە ساندالىپ ءجۇر. كۇنى ەرتەڭ الەۋمەتتىك ارازدىقتىڭ ءبىر ۇشقىنى وسىدان تۇتايتىنى اقيقات. قور بولسا قايداعى ءبىر "ميۋنحەندەگى كىشى قۇرىلتاي" دەپ سابىلىپ، شاشىلىپ ءجۇر. https://www.inform.kz/…/myunhende-duniezhuzi-kazaktarynyn-k…
ءسوزدىڭ اشىعى - ەۋروپاداعى از قازاقتىڭ مۇندا قازىر كەلگىسى جوق. (ونى كوزىمىزبەن كوردىك تە).
قانداستىڭ باسىم بولىگىن ۇستايتىن ەلدەرگە بارىپ، كوش بۇيداسىن تۇزەۋ كەرەك ەدى. بۇلار رەسەي مەن ەۋروپانى ارالاۋدان اسپاي ءجۇر.
قازاققا شىن جانى اشىسا، قىتايدا قىسىم كورگەن ەكى جارىم ميلليون قازاقتىڭ ورتاسىنا بارسىن. وزبەك، يران، تۇركيا، ت.ب ەلدەردەگى ورىسشا تۇسىنبەيتىن قانداستارمەن ورىس تىلىندە قالاي جۇمىس جاساۋ ويلارى بارىن تۇسىنبەيسىڭ.
بۇل جاعدايلاردان پرەزيدەنت اكىمشىلىگى جەتەكشىسى باقىتجان ساعىنتاەۆ پەن ىشكى ساياساتتاعى Aida Balayeva حانىم، قوعامدىق دامۋ جانە اقپارات ءمينيسترى داۋرەن اباەۆ مىرزالار حاباردار بولۋى كەرەك دەپ ويلايمىن.
قور باسشىلىعىندا قانداس تۇگىلى قازاقتى مەنسىنبەيتىن توپ بار.
ال، ىشكى جاعدايدان قور جەتكشىسى نۇرتاي ابىقاەۆ اعامىز حابارسىز دەپ ويلايمىن...
بىرەر كۇندە تولىق ماقالا جاريالايمىن.