"Otandastar" qorynan, jumystan kettik.
Anyǵy - ketirdi.
Ol jerge Qazaq ultynyń múddesin shynaıy oılaıtyn ultshyl adamdar kerek emes.
Ótirik esepter men jalǵan aıǵaı, kelse-kelmes memarandýmdar men qarjy shashatyn ótirik jobalar usynyp, oryssha sóıleseń, basshylyqqa jaǵymsyp, ótirikti sýsha sapyrsań ǵana jaǵasyń.
Qandastar isi boıynsha on jyldyq tájirıbeme súıenip, tórt aı adal eńbek ettim. Biraz qandastyń mańdaıynan sıpap, jasyn súrttik.
Eńbek ardageri, Kóshi-qon salasynyń úzdik mamany Marat Toksambaevaǵama sáıkesip, qyzý yntamen "Baılanys ortalyǵynyń" bazasyn daıyndadyq. Qujaty joq, ómirden toryǵyp, ózine qol salmaq bolǵan jandarǵa rýhanı kúsh berdik.
Orys tildiler ult janashyrlaryn qashanda sıdyrmaıtyny anyq. Bizdiń bar minimiz - qazaqsha sóılep, bar yntamyzben qyzmet etkenimiz.
Ulttyq ustanymda berik turǵany úshin sáýir aıynda Madi Manatbekulyn da vıe-prezıdent qyzmetinen ketirgen bolatyn.
Alda saılaý naýqany. Qujattyq máselesi aýyr jıyrma myńǵa jýyq qandas ár jerde sandalyp júr. Kúni erteń áleýmettik arazdyqtyń bir ushqyny osydan tutaıtyny aqıqat. Qor bolsa qaıdaǵy bir "Mıýnhendegi kishi quryltaı" dep sabylyp, shashylyp júr. https://www.inform.kz/…/myunhende-duniezhuzi-kazaktarynyn-k…
Sózdiń ashyǵy - Eýropadaǵy az qazaqtyń munda qazir kelgisi joq. (Ony kózimizben kórdik te).
Qandastyń basym bóligin ustaıtyn elderge baryp, kósh buıdasyn túzeý kerek edi. Bular Reseı men Eýropany aralaýdan aspaı júr.
Qazaqqa shyn jany ashysa, qytaıda qysym kórgen eki jarym mıllıon qazaqtyń ortasyna barsyn. Ózbek, Iran, Túrkııa, t.b elderdegi oryssha túsinbeıtin qandastarmen orys tilinde qalaı jumys jasaý oılary baryn túsinbeısiń.
Bul jaǵdaılardan Prezıdent ákimshiligi jetekshisi Baqytjan Saǵyntaev pen Ishki saıasattaǵy Aida Balayeva hanym, Qoǵamdyq damý jáne aqparat mınıstri Daýren Abaev myrzalar habardar bolýy kerek dep oılaımyn.
Qor basshylyǵynda qandas túgili qazaqty mensinbeıtin top bar.
Al, ishki jaǵdaıdan qor jetkshisi Nurtaı Ábiqaev aǵamyz habarsyz dep oılaımyn...
Birer kúnde tolyq maqala jarııalaımyn.
Ularbek Dáleıuly
"Adyrna" ulttyq portaly
