ماسكەۋ مەرى سەرگەي سوبيانين بوگورودسك قالالىق وكرۋگىندە درونداردىڭ شابۋىلى بولعانىن ايتتى، دەپ حابارلايدى "ادىرنا" ءتىلشىسى rbc.ru پورتالىنا سىلتەمە جاساپ.
بوگورودسك قالالىق وكرۋگىندە دروندار شابۋىلى بولدى. ماسكەۋ مەرى سوبيانين:
"قۇلاۋ سالدارىنان قيراۋ مەن زارداپ شەككەندەر جوق. جەرگىلىكتى جەردە شۇعىل قىزمەتتەر جۇمىس ىستەيدى",-دەپ جازدى ول تەلەگرام ارناسىندا.
سونداي-اق، رف قورعانىس مينيسترلىگى بوگورودسك قالالىق وكرۋگىنىڭ اۋماعىنداعى دروننىڭ جويىلعانى تۋرالى حابارلادى. شابۋىل ارەكەتى ماسكەۋ ۋاقىتىمەن ساعات 1:00-دە دەپ ناقتىلانعان ۆەدومستۆودا.
Mash, Shot جانە "يزۆەستيا" تەلەگرام ارنالارىنىڭ حابارلاۋىنشا، قۇلاعان درونداردىڭ قالدىقتارى گوركي تاس جولىنا ءتۇسىپ، كولىك قوزعالىسىن توقتاتقان.
قورعانىس مينيسترلىگى قىرىم ماڭىندا جانە بريانسك وبلىسىندا بەس درون اتىپ تۇسىرىلگەنىن مالىمدەگەن.
بۇل رەسەي استاناسىناجاسالعان العاشقى شابۋىل ەمەس.
