پاۆلوداردا جەتى جاستاعى قىزدى ىزدەۋ جۇمىستارى جالعاسىپ جاتىر، دەپ حابارلايدى "ادىرنا" ءتىلشىسى.
17 قاراشادان باستاپ پاۆلودار وبلىسىندا بەسقاۋ اۋىلىنىڭ تۇرعىنى جەتى جاسار ميلانا داۆىدوۆانى ىزدەۋ جۇمىستارى ءجۇرىپ جاتىر.
ميلانانىڭ اناسى ەكى كۇن بۇرىن قىزىنىڭ جوعالىپ كەتكەنى تۋرالى ەكىباستۇز پوليتسيا دەپارتامەنتىنە حابارلاعان.
پوليتسيانىڭ ايتۋىنشا، ايەل ءۇش بالاسىمەن دەمالىس كۇندەرى اۋىلدان 15 شاقىرىم جەردە شارۋا قوجالىعىندا جۇمىس ىستەيتىن كۇيەۋىنە بارۋدى شەشكەن. الايدا جەتى جاسار ميلانا اكەسىنە بارۋدان باس تارتقان.ول ۇيدەن شىعىپ، قايتا ورالماعان.
قىزدى ىزدەۋگە پوليتسيا قىزمەتكەرلەرى، قۇتقارۋشىلار، يت وڭدەۋشىلەر، ەرىكتىلەر جانە جەرگىلىكتى بيلىك وكىلدەرى قوسىلدى. 320-دان استام ادام قىزدى ىزدەۋدە. ودان بولەك 72 بىرلىك تەحنيكا، ونىڭ ىشىندە تىكۇشاق تا جۇمىلدىرىلعان.
