استانادا قاتتى جەلدىڭ سالدارىنان بىرنەشە قالا تۇرعىنى زارداپ شەككەن، دەپ حابارلايدى "ادىرنا" ءتىلشىسى Tengrinews.kz-كە سىلتەمە جاساپ.
استانادا قاتتى جەلدىڭ سالدارىنان بىرنەشە قالا تۇرعىنى ءتۇرلى جاراقاتتارمەن مەديتسينالىق كومەككە جۇگىنگەن.
استانا اكىمدىگى تاراتقان حابارلامادا:
"جەدەل مەديتسينالىق جاردەم بريگاداسى ءتورت ناۋقاستى ءارتۇرلى جاراقاتتارى بار كوپسالالى قالالىق اۋرۋحانالاردىڭ جاراقات پۋنكتتەرىنە جەتكىزدى. بۇل نەگىزىنەن كوگەرۋ، ابرازيا. ءبىر بالا اياقتىڭ جابىق سىنۋىمەن كەلدى. بارلىق پاتسيەنتتەردىڭ جاعدايى قاناعاتتانارلىق، رەانيماتسيالىق ناۋقاستار جوق", - دەلىنگەن.
جەڭىل جاراقات العان تۇرعىندار مەديتسينالىق كومەكتەن سوڭ ۇيلەرىنە جىبەرىلگەن. ال ناۋقاستاردىڭ ءبىر بولىگى اۋرۋحانالارعا جەتكىزىلگەن.
اۋا-رايىنىڭ ناشارلاۋىنا بايلانىستى قالالىق كوممۋنالدىق قىزمەتتەر قارقىندى جۇمىس ىستەپ جاتىر.
ەسكە سالا كەتەيىك، 18 قاراشادا ەلوردادا قاتتى جەلدىڭ سالدارىنان شاتىرلار مەن قورشاۋلار ۇشىپ، قالا جۇرتىن ابىگەرگە سالعان بولاتىن.
سونداي-اق، ءىرى ساۋدا ورتالىعىنىڭ بىرىندە قورشاۋ ۇشىپ، ايەلدىڭ ۇستىنە قۇلادى.
