شىمكەنت قالاسىندا بىرنەشە جىلدان بەرى قاراۋسىز بوس تۇرعان «فوسفورشىلار» مادەنيەت ءۇيى قايتا جوندەلىپ، حالىق يگىلىگىنە قىزمەت ەتپەك، دەپ جازادى “ادىرنا” پورتالى. بۇل تۋرالى شىمكەنت قالاسىنىڭ اكىمى عابيت سىزدىقبەكوۆ مالىمدەدى.
اتالعان عيمارات «دارحان گرۋپپ» سەرىكتەستىگىنىڭ مەنشىگىندە بولاتىن. اكىمنىڭ ايتۋىنشا ەندى اكىمدىم عيماراتتى قايتا جوندەپ، جاستار سارايىنا اينالدىرماق.
“شىمكەنت قالاسىنىڭ اكىمدىگى قالالىق پروكۋراتۋرا مەن مەملەكەتتىك مۇلىك جانە جەكەشەلەندىرۋ دەپارتامەنتىمەن بىرلەسىپ، مادەنيەت ءۇيىن قالانىڭ كوممۋنالدىق مەنشىگىنە قابىلداۋ بويىنشا الگوريتم ازىرلەگەن بولاتىن. 13 قاراشا كۇنى «فوسفورشىلار» مادەنيەت ءۇيىن قالانىڭ كوممۋنالدىق مەنشىگىنە قايتارۋ بويىنشا كەلىسىمگە قول جەتكىزىلدى. ارى قاراي عيماراتتى كوپفۋنكتسيونالدى جاستار سارايى رەتىندە قايتا قالپىنا كەلتىرۋ جانە اۋماعىن اباتتاندىرۋ جۇمىستارى جۇرگىزىلەتىن بولادى” دەپ جازدى عابيت سىزدىقبەكوۆ.
سونداي-اق ول، «فوسفورشىلار» سارايى قالانىڭ ەڭ كورىكتى جەرلەرىنىڭ بىرىنە اينالاتىنىنا جانە حالىق يگىلىگىنە قىزمەت ەتەتىنىنە سەنىم ءبىلدىردى.
