الەۋمەتتىك جەلىلەردە كوپشىلىكتىڭ مەشىتكە كەلگەن يماممەن جارىسا سالەمدەسكەن ۆيدەوسى قىزۋ تالقىلانىپ جاتىر، دەپ حابارلايدى "ادىرنا" ءتىلشىسى Stan.kz اقپارات اگەنتتىگىنە سىلتەمە جاساپ.
مەشىتكە كەلگەن كوپشىلىك يماممەن "اللاھۋ اكبار" دەپ بار داۋسىمەن جارىسا سالەمدەسكەن ۆيدەو الەۋمەتتىك جەلىدە جەلدەي ەسكەن.
جەلى قولدانۋشىلاردىڭ ءبىرى مەشىتتەگى جاماعاتتىڭ بۇل ارەكەتىن "وڭ" دەپ تانىسا، ەندىگى ءبىرى بۇل ارەكەتتى قۇپتامايتىنىن ايتادى.
ال قوعام بەلسەندىسى عالىم بايتۋك جەلىدە يمامعا ادامداردىڭ وسىنشالىق تابىنا امانداسۋىن، قاتەلىككە بالايدى.
ءوزىنىڭ Facebook پاراقشاسىندا جەلى بەلسەندىسى عالىم بايتۋك اتىراۋداعى "يمانعالي" مەشىتىندە بولعان جاعدايعا قاتىستى پىكىرىمەن ءبولىستى.
"ەگەر بۇل "جاڭا كۋميردى" ساتىبالدى جانە سول سەكىلدىلەر جاساعان بولسا، بۇل وتە قورقىنىشتى. وندا ء"وزىڭدى پۇت ەتپە" دەگەن وسيەت بۇرىننان بۇزىلعانى. بۇل كىسىنىڭ ءبىر سوزىمەن-اق جاڭا قاڭتار ورىن الۋى مۇمكىن", - دەپ جازدى بايتۋك.
ول يمامنىڭ ءوزىنىڭ ءيميدجىن قالىپتاستىرۋدا جاقسى جۇمىس ىستەيدى دەپ سانايدى. سونداي-اق يمامعا كوپتىڭ "تابىنعانىنا" قازاقستاننىڭ قازىرگى ۇكىمەتىنىڭ قاتىسى بولسا، ەلدىڭ جاعدايى جاقسارمايتىنىن دا قوسا كەتتى.
