لوندوندا 300 مىڭعا جۋىق ادام گازا سەكتورىندا اتىستى توقتاتۋدى تالاپ ەتىپ، شەرۋ وتكىزدى، دەپ حابارلايدى “ادىرنا” ءتىلشىسى The Guardian گازەتىنە سىلتەمە جاساپ.
«لوندون پوليتسياسى بۇگىن پالەستينانى قولدايتىن شەرۋگە شامامەن 300 000 ادام جينالعانىن راستادى»، - دەپ جازدى باسىلىم.
شەرۋدى ۇيىمداستىرۋشىلار بۇعان دەيىن گازا سەكتورىنداعى يزرايلدىك ارەكەتتەرگە قارسى شەرۋگە جارتى ميلليوننان استام ادام قاتىسا الاتىنىن ايتقان بولاتىن. بۇل تاياۋ شىعىستاعى قاقتىعىستىڭ شيەلەنىسۋىنىڭ باسىنان بەرگى ەڭ اۋقىمدى اكتسياعا اينالادى.
شەرۋ باستالماس بۇرىن پوليتسيا مەن بەلسەندىلەر اراسىندا قاقتىعىس بولدى. قۇقىق قورعاۋ ورگاندارىنىڭ حابارلاۋىنشا، بۇل ادامدار پالەستينالىقتاردى جاقتاعاندارعا «قارسىلاسۋعا ۇمتىلعان».
كەيىنىرەك 92 اسىرە وڭشىل بەلسەندىنىڭ ۇستالعانى حابارلاندى.
