كەشە ۇقك قىزمەتكەرلەرى 2013 جىلدان باستاپ سيريادا تەرروريستىك توپتار قۇرامىندا بولعان قر ازاماتىن تۇركيادان قازاقستانعا جەتكىزدى، دەپ حابارلايدى «ادىرنا» ۇلتتىق پورتالى.
ونىڭ راديكالدىق يدەيالاردان كوڭىلى قالعانى، ءوز ەركىمەن تەرروريستىك ارەكەتتەن باس تارتىپ، تۇركياعا وتكەنى جانە وتانىنا ورالۋ ءۇشىن بيلىك وكىلدەرىنە بەرىلۋدى شەشكەنى بەلگىلى بولدى. ءوزىنىڭ ارەكەتىمەن ول باسقا سودىرلارعا ولاردىڭ ودان ءارى تەرروريستىك بەلسەندىلىك ايماقتارىندا بولۋدىڭ كەلەشەگى جوق ەكەنىن كورسەتپەك بولدى، – دەلىنگەن ۇقك حابارلاماسىندا.
سونىمەن قاتار ازامات قازاقستانعا كەلگەننەن كەيىن قاماۋعا الىندى. وعان قاتىستى قىلمىستىق كودەكستىڭ 257-بابى («تەرروريستىك توپ قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ») بويىنشا قىلمىستىق ءىس تەرگەپ-تەكسەرىلىپ جاتىر.
ايتالىق، ەرىكتى تۇردە بەرىلۋ فاكتىسى تەرگەۋ بارىسىندا ەسكەرىلەتىن بولادى.
«ادىرنا» ۇلتتىق پورتالى
