Izraıl armııasynyń Gaza sektorynyń soltústigindegi Djebalııa bosqyndar lagerine jasaǵan soqqysy nátıjesinde 100-den astam adam qaza tapty, olardyń arasynda kóptegen áıelder men balalar bar. 150 adam jaraqat aldy. Bul týraly seısenbi kúni Gazanyń densaýlyq saqtaý mınıstrligi málimdedi, - dep habarlaıdy "Adyrna" portaly RBK-ǵa silteme jasap.
Palestınalyq WAFA aqparat agenttiginiń habarlaýynsha, 400-ge jýyq adam zardap shekken, olardyń kópshiligi balalar. Jaralylar aýrýhanaǵa jetkizildi, biraq úıindiler astynda kóp adam qaldy deıdi jýrnalıster.
Ál-Jazıranyń habarlaýynsha, Djebalııa Gaza sektoryndaǵy segiz bosqyn lageriniń eń úlkeni. Ol 1,4 shaqyrym aýmaqty alyp jatyr, BUU málimeti boıynsha munda 116 myń adam tirkelgen.
Izraıl qorǵanys kúshteriniń (IDF) baspasóz hatshysy Rıchard Heht CNN-ge Tel-Avıvtiń Djebalııa bosqyndar lagerine shabýyl jasaǵanyn, sonyń saldarynan kóptegen adamnyń qaza tapqanyn rastady.
«Bul soǵys tragedııasy», - dedi Heht jýrnalıstiń shabýyl qurbandary bolǵan beıbit turǵyndar týraly suraǵyna.
Keıin ISD Djebalııaǵa jasalǵan soqqynyń nátıjesinde 7 qazandaǵy shabýyldy uıymdastyrýshylardyń biri Ibragım Bıarıdiń qaza tapqanyn jáne HAMAS sodyrlarynyń bazasy joıylǵanyn habarlady. Toptyń jerasty ınfraqurylymy men birneshe ondaǵan sodyrlary da joıyldy.
Izraıl armııasynyń baspasóz qyzmeti málimdeme jasap, beıbit turǵyndardy Gazanyń soltústiginen ońtústikke kóshirýge shaqyrdy.
