2023 جىلعى قازان ايىنان بەرى يزرايل ارمياسىنىڭ گازا سەكتورىنا جاساعان شابۋىلدارى سالدارىنان قازا تاپقاندار سانى 72 612 ادامعا جەتتى, دەپ حابارلايدى "ادىرنا".
گازا دەنساۋلىق ساقتاۋ مينيسترلىگىنىڭ جازباشا مالىمدەمەسىندە 2023 جىلعى قازاننان بەرگى شابۋىلدار قۇرباندارى تۋرالى سوڭعى دەرەكتەر كەلتىرىلگەن.
سوڭعى 24 ساعات ىشىندە گازا اۋرۋحانالارىنا 2 قازا تاپقان ادامنىڭ دەنەسى جانە 9 جارالانعان ادام جەتكىزىلگەن.
2025 جىلعى 10 قازاندا كۇشىنە ەنگەن اتىستى توقتاتۋ رەجيمىنەن بەرى يزرايل شابۋىلدارى سالدارىنان 832 ادام قازا تاۋىپ، 2 354 ادام جارالانعان، سونداي-اق ۇيىندىلەر استىنان تاعى 767 ادامنىڭ دەنەسى شىعارىلعان.
جالپى، 2023 جىلعى قازاننان بەرى قازا تاپقاندار سانى 72 612 ادامعا، ال جارالانعاندار سانى 172 457 ادامعا جەتكەنى حابارلاندى.
سونىمەن قاتار، گازا سەكتورىندا ۇيىندىلەر استىندا ءالى دە مىڭداعان ادامنىڭ دەنەسى قالىپ وتىرعانى اتاپ ءوتىلدى.
