29 قازان - جالپىۇلتتىق ازا تۇتۋ كۇنى، دەپ حابارلايدى “ادىرنا” ءتىلشىسى.
بۇگىن ەلىمىزدىڭ بارلىق اۋماعىندا مەملەكەتتىك تۋلار تومەن ءتۇسىرىلىپ، تەلەراديوكومپانيالار حابار تاراتۋ كەستەسىن وزگەرتىپ، ويىن-ساۋىق باعدارلامالارىن توقتاتتى.
مەملەكەت باسشىسى قازا تاپقان كەنشىلەردىڭ وتباسىلارىنا كوڭىل ايتىپ، 29 قازان جالپىۇلتتىق ازا تۇتۋ كۇنى دەپ جاريالاعان.
قايعىلى وقيعا 28 قازان كۇنى تۇندە «ارسەلورميتتال تەمىرتاۋ» كومپانياسىنىڭ كوستەنكو اتىنداعى شاحتاسىندا بولعان.
سوڭعى اقپاراتتار بويىنشا، قازا تاپقانداردىڭ سانى 33-كە جەتتى. ءالى 13 كەنشى جەر استىندا قالعانى ءمالىم. ولار حابارسىز كەتكەن دەپ سانالادى. توتەنشە جاعدايلار ءمينيسترى ولاردىڭ ءتىرى تابىلۋ مۇمكىندىگى وتە تومەن ەكەنىن ايتادى.
