استانادا دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا وڭىرلىك كوميتەتىنىڭ دەلەگاتتارى ءۇزىلىس جاساپ، ءبىراۋىزدان قازاقتىڭ ۇلتتىق ءبيى «قارا جورعانى» دەنە قىزدىرۋ رەتىندە بيلەپ شىقتى، - دەپ حابارلايدى "ادىرنا" سايتى.
دۇنيەجۇزىلىك دەنساۋلىق ساقتاۋ ۇيىمى قىزمەتكەرلەرىنىڭ بارشا قازاقستاندىقتارعا تانىس اۋەنگە ىرعاقتى قيمىلدار جاساپ جاتقانى تۇسىرىلگەن ۆيدەونى قر دەنساۋلىق ساقتاۋ مينيسترلىگىنىڭ ءباسپاسوز قىزمەتى تاراتتى. قوناقتارىمىزدىڭ جاقسى ونەر كورسەتكەنىن ايتا كەتكەن ءجون.
ءتيىستى تۇردە "قىزدىرىنىپ العان" دەلەگاتتار جۇمىسىن جالعاستىرىپ، ناتيجەسىندە قازاقستانداعى دەنساۋلىق ساقتاۋ جۇيەسىن 1,8 ميلليون دوللارعا قولداۋ كورسەتۋ تۋرالى ەكى جىلدىق كەلىسىمگە قول قويىلدى.
پوسموترەت ەتۋ پۋبليكاتسيۋ ۆ Instagram
«قاراجات مەديتسينا قىزمەتكەرلەرىنىڭ الەۋەتىن ارتتىرۋعا، انالاردىڭ، جاڭا تۋعان نارەستەلەردىڭ، بالالار مەن جاسوسپىرىمدەردىڭ دەنساۋلىعىن قورعاۋعا، ونكولوگيالىق جانە باسقا دا جۇقپالى ەمەس اۋرۋلارمەن، ايتۆ، جيتس، تۋبەركۋلەزبەن كۇرەسۋ ءۇشىن ددۇ-دان ساراپتامالىق، ادىستەمەلىك جانە تەحنيكالىق قولداۋ كورسەتۋگە باعىتتالادى»، - دەدى دەنساۋلىق ساقتاۋ ءمينيسترى اجار عينيات.
بۇعان دەيىن ددۇ باسشىسى تەدروس گەبرەيەسۋس پرەزيدەنت قاسىم-جومارت توقاەۆتى “قۇدا”، دەنساۋلىق ساقتاۋ ءمينيسترى اجار عينياتتى “قۇداعي” دەپ اتاعان بولاتىن. ول كەلىنى قازاق ۇلتىنىڭ وكىلى ەكەنىن العا تارتىپ، ءوزىنىڭ ءبىزدىڭ ەلىمىزگە قاتىسى بار ەكەنىن اڭعارتتى.
