Halyq ärtısı, änşı Dimaş Qūdaibergen Respublika künıne orai alǧan jaŋa marapatyna qatysty jazbasymen bölıstı, dep jazady "Adyrna" ūlttyq portaly.
Dimaş Qūdaibergen özınıŋ jelıdegı paraqşasyna 1999 jyly taspalanǧan videosyn jariialandy. Beinede 5 jasar Dimaştyŋ halyq aldynda pianino oinap otyrǧanyn jäne jürgızuşınıŋ ony "bolaşaq Qazaqstannyŋ halyq ärtısı" dep ataǧanyn baiqauǧa bolady.
"2030 jyl dep oilaŋyzdar. Aldaryŋyzda Qazaqstannyŋ halyq ärtısı Aitbaev Dınmūhammed Qanatūly öner körsetude" dep ataidy videoda şara jürgızuşısı.
Sondai-aq, Dimaş Qūdaibergen marapat ūsynǧan memleket basşysy Qasym-Jomart Toqaevqa jäne barşa qūttyqtap, ızgı tılek bıldırıp jatqan qazaqstandyqtarǧa alǧysyn bıldırdı.
“El-jūrtymnyŋ aq peiılınen, ystyq yqylasynan artyq biık qūrmet joq” der edım. Önerımnıŋ örleuı eldıŋ batasynan ekenın tereŋ ūǧynamyn. "Erım" deitın el barda, "elım" deitın erler tuady. Qai memlekette, qai jerde jürsem de elımnıŋ abyroiy biık bolsa eken dep tıleimın. Qūrmettı aǧaiyn, memleketımızdıŋ basty merekesı - “Respublika künı” meiramymen barşaŋyzdy qūttyqtaimyn!
Sonymen bırge jas bolsam da bar nietımen qūrmet qylyp, marapattap jatqan Memleket basşysy Qasym-Jomart Kemelūlyna şyn jürekten alǧys aitqym keledı!" dep jazdy ol.
Eske sala keteiık, 24 qazan künı prezidentımız Qasym-Jomart Toqaev elımızdegı bırqatar azamattardy memlekettık nagradalarmen marapattady. Onyŋ ışınde "Qazaqstannyŋ halyq ärtısı" marapatyn alǧan Dimaş ta bar.
Posmotret etu publikasiiu v Instagram
Ūqsas jaŋalyqtar
