تالداۋ جانە بولجاۋ ينستيتۋتىنىڭ عيماراتىندا مۇمكىندىكتەرى شەكتەۋلى ازاماتتاردىڭ قۇقىقتارىن قورعاۋ بويىنشا ساراپشىلىق جۇمىس توبىنىڭ كەزەكتى وتىرىسى ءوتتى. كۇن تارتىبىندە وبلىس ورتالىعىندا چەرنوبىل اەس بولعان اپاتتىڭ زارداپتارىن جويۋعا قاتىسقاندارعا ارنالعان ەسكەرتكىش ورناتۋ جانە وبلىستاعى ءبىلىم بەرۋ ۇيىمدارىن مۇمكىندىگى شەكتەۋلى ازاماتتاردىڭ قاجەتتىلىكتەرىنە قاراي بەيىمدەۋ سۇراقتارى قارالدى.
وتىرىسقا ساراپشىلىق جۇمىس توبىنىڭ مۇشەلەرى، مەملەكەتتىك ورگان وكىلدەرى، وبلىستىق ءماسليحاتتىڭ دەپۋتاتى جانە باق جۋرناليستەرى قاتىستى.
العاش بولىپ مادەنيەت، ارحيۆتەر جانە قۇجاتتاما باسقارماسىنىڭ باسشىسى ازامات مۇحامەدچينوۆ ءسوز الدى. ءوز سوزىندە ول ەسكەرتكىشتى ورناتۋ ماسەلەسى 2016 جىلدان كەلە جاتقانىن جانە العاشقى بيۋدجەتتىك ءوتىنىمنىڭ قۇجاتتاردىڭ دۇرىس راسىمدەلمەۋى سالدارىنان قابىلدانباعانى تۋرالى مالىمدەدى. ەسكەرتكىشتى ورناتۋعا قاجەت قاراجاتتى بيزنەس-ۇيىمداردان جانە الپاۋىت ونەركاسىپ ورىندارىنان جيناۋ ويى دا ساتسىزدىككە ۇشىرادى. قازىرگى تاڭدا بارلىق قۇجاتتار رەتكە كەلتىرىلىپ، مامىر ايىندا اكىم ورىنباسارىنىڭ توراعالىعىمەن وتەتىن ارنايى كوميسسياعا شىعۋ جوسپاردا. بۇل كوميسسيانىڭ وڭ شەشىمىن العان جاعدايدا ماۋسىمدا ەكونوميكا جانە بيۋدجەتتىك جوسپارلاۋ باسقارماسىنا تاعى ءبىر بيۋدجەتتىك وتىنىممەن شىعۋ كوزدەلىپ وتىر.
ساراپشىلىق جۇمىس توبىنىڭ مۇشەلەرى ايتىلعان اقپاراتتى قابىلداپ، بۇل سۇراقتى ءوز باقىلاۋىندا ۇستاۋعا شەشىم قابىلدادى. سونىمەن قاتار «شقو بويىنشا چەرنوبىل ارداگەرلەرى مەن مۇگەدەكتەرى وداعى» قب «ءۇمز» اق قارجىلاي كومەك كورسەتۋ تۋرالى حات جولداۋ تاپسىرىلدى.
ساراپشىلىق جۇمىس توبىنىڭ مۇشەسى يرينا لياحوۆسكايا شقو ءبىلىم باسقارماسىنىڭ ينكليۋزيۆتى ءبىلىم بەرۋ جوباسىن ىسكە اسىرۋ اياسىندا وبلىسىمىزدا 38 ءبىلىم بەرۋ ۇيىمىن بەيىمدەۋ جوسپارلانۋدا ەكەندىگىن اتاپ ءوتتى. وسى ورايدا ساراپشىلىق توپ مۇشەلەرى جانە ارنايى ديپلومى بار ماماندار اتالمىش 38 نىساندى ارالاپ، قاجەتتى جۇمىس كولەمىن انىقتادى. وسى جۇمىستىڭ قورىتىندىسى بويىنشا ءاربىر نىسانعا جەكە اقاۋلى ءونىم تىزىمدەمەسى دايىندالدى. بۇل تىزىمدەمە قازىردىڭ وزىندە بارلىق نىسانداردى بەيىمدەۋگە قانشا قاراجات جۇمسالاتىنىن انىقتاۋعا مۇمكىندىك بەرەدى.
ەندىگى ماسەلە مەكتەپ ديرەكتورلارىنىڭ دۇرىس تەحنيكالىق سيپاتتاما دايىنداۋىندا. ساراپشىلىق جۇمىس توبىنىڭ جەتەكشىسى ولگا كۋزوۆلەۆا ءوز كەزەگىندە ورىندالعان جۇمىسقا وڭ باعاسىن بەردى. الايدا، ول، بۇل جۇمىس بارىسىندا ارباداعى مۇگەدەكتەردەن وزگە ساناتتارىنىڭ مۇقتاجدىقتارى ەسكەرىلمەگەندىگىن تىلگە تيەك ەتتى.
وتىرىس قورىتىندىسى بويىنشا ءبىلىم باسقارماسىنا مەكتەپ باسشىلىعىمەن تىعىز بايلانىستا بارلىق ساناتتاعى مۇمكىندىكتەرى شەكتەۋلى ازاماتتاردىڭ مۇقتاجدىقتارىنا بەيىمدەلگەن ءبىلىم ورىندارىن دايارلاۋعا قاتىستى ۇسىنىمدار بەرىلدى.
