2024 جىلعى 1 قاڭتاردان باستاپ ەلىمىزدە ەڭبەككە قابىلەتتىلىكتەن ايىرىلۋ جانە اسىراۋشىسىنان ايىرىلۋ جاعدايلارى بويىنشا الەۋمەتتىك تولەمدەر مولشەرى ارتادى. بۇل تۋرالى ۇكىمەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«ءتيىستى قاۋلىعا پرەمەر-مينيستر ءاليحان سمايىلوۆ قول قويدى. اتاپ ايتقاندا، قۇجاتتا 2024 جىلدىڭ 1 قاڭتارىنان باستاپ مەملەكەتتىك الەۋمەتتىك ساقتاندىرۋ قورىنان ەڭبەككە قابىلەتتىلىكتەن جانە اسىراۋشىسىنان ايىرىلۋ جاعدايلارى بويىنشا تاعايىندالعان الەۋمەتتىك تولەمدەردى 7%-عا ارتتىرۋ كوزدەلگەن. اتالعان قاراجات ەڭبەككە قابىلەتتىلىكتى جوعالتقان 87 مىڭعا جۋىق ادامدى جانە اسىراۋشىسىنان ايىرىلعان 59 مىڭ وتباسىن قامتيدى»،—دەلىنگەن حابارلامادا.بۇل ماقساتتارعا قوسىمشا 5 ملرد تەڭگەدەن استام قاراجات جۇمسالادى. ەستەرىڭىزگە سالا كەتەيىك، الەۋمەتتىك كودەكسكە سايكەس ۇكىمەت ەڭبەككە قابىلەتتىلىكتەن جانە اسىراۋشىسىنان ايرىلۋ جاعدايلارى بويىنشا تولەمدەردىڭ مولشەرىن جىل سايىن ارتتىرىپ وتىرادى.
