18 قازاندا ءماجىلىس سەناتتىڭ «ۇلتتىق قوردان بالالارعا تولەنەتىن تولەمدەر تۋرالى» زاڭعا ەنگىزگەن تۇزەتۋلەرىمەن كەلىستى. زاڭ قابىلداندى جانە ول مەملەكەت باسشىسىنىڭ قول قويۋىنا جىبەرىلەدى، - دەپ حابارلايدى "ادىرنا" ءتىلشىسى.
پارلامەنت وتىرىسىندا ۇلتتىق ەكونوميكا ءمينيسترى الىبەك قۋانتىروۆ اتا-انالار ۇلتتىق قوردان بالالارىنىڭ قاراجاتىن تالاپ ەتە المايتىنىن تاعى دا باسا ايتتى.
«بۇل بالانىڭ اقشاسى، اتا-انانىڭ اقشاسى ەمەس، ول كامەلەتكە تولعان كەزدە ونى پايدالانۋعا قۇقىلى، تەك تۇرمىس جاعدايىن جاقسارتۋ نەمەسە وقۋ ءۇشىن»، - دەپ ءتۇسىندىردى مينيستر جۋرناليستەردىڭ بالالار قورىنا قول سۇعىلماۋشىلىق تۋرالى سۇراقتارىنا جاۋاپ بەرە وتىرىپ.
سونىمەن قاتار، جۋرناليستەر قۋانتىروۆقا بالاسى 18 جاسقا تولعانعا دەيىن قايتىس بولعان جاعدايدا تۋىستارى تولەمدەردى مۇراعا الا الا ما دەگەن ساۋال قويدى. ءمينيستردىڭ ايتۋىنشا، باستاپقىدا مۇنداي جاعدايدا اقشا ۇلتتىق قوردا قالادى دەگەن ۇسىنىس بولعان.
«العاشىندا كونتسەپتسيانى ازىرلەدىك، نورما بار ەدى – نۇسقالاردىڭ ءبىرى اقشانى قايتارۋ بولدى (ۇلتتىق قورعا – ەسكەرتۋ). بىراق كەيىن ءبىز اقشا وتباسىندا نەمەسە اتا-اناسىندا قالادى دەپ شەشتىك. نە بولماسا وسى وتباسىنداعى باسقا بالالار اراسىندا ۇلەستىرىلەدى»، - دەپ جاۋاپ بەردى مينيستر.
بۇگىن ماجىلىسمەندەر قازاقستاندىق بالالارعا ۇلتتىق قوردان قارجى ءبولۋ تۋرالى زاڭدى قابىلدادى. زاڭ مەملەكەت باسشىسىنا قول قويۋعا جىبەرىلەدى.
بۇعان دەيىن قارجى مينيسترلىگى ۇلتتىق قوردان تۇسكەن قارجىنى قانداي ماقساتقا جۇمساۋعا بولاتىنىن ءتۇسىندىردى.
ەستەرىڭىزگە سالا كەتەيىك، زاڭ مەملەكەت باسشىسىنىڭ 2024 جىلعى 1 قاڭتاردان باستاپ جىلدىق ينۆەستيتسيانىڭ 50 پايىزىن شەگەرۋدى كوزدەيتىن «بالالارعا ارنالعان ۇلتتىق قور» جوباسىن ىسكە قوسۋ قاجەتتىگى تۋرالى تاپسىرماسىن ىسكە اسىرۋ ماقساتىندا ازىرلەنگەن. قازاقستان رەسپۋبليكاسى ۇلتتىق قورىنىڭ بالالاردى 18 جاسقا تولعانعا دەيiن مەرزiمiنەن بۇرىن الىپ قويۋ قۇقىعىنسىز، كەيiننەن تۇرعىن ءۇي ساتىپ الۋ جانە بiلiم الۋ ءۇشiن پايدالانۋ مۇمكiندiگiمەن ارنايى جيناق شوتتارىن ۇسىنۋدا.
