قازاقستاندا 18 جاسقا دەيىنگى بارلىق بالاعا زەينەتاقى قورىننان ارنايى جيناق شوتى اشىلاتىن بولادى. مۇنداي جاڭالىقتى 14 جەلتوقسان كۇنگى ۇكىمەت وتىرىسىندا ۇلتتىق ەكونوميكا ۆيتسە-ءمينيسترى تيمۋر جاقسىلىقوۆ مالىمدەدى، دەپ حابارلايدى "ادىرنا" ۇلتتىق پورتالى.
ۆيتسە-مينيستر قازاقستان بالالارى ءۇشىن مۇنداي يگىلىك 2024 جىلدان باستاپ جۇزەگە اساتىنىن حابارلادى. "بالالارعا ارنالعان ۇلتتىق قوردىڭ" وزىندىك ەرەجەلەرى بار.
مينيستر ورىنباسارىنىڭ ايتۋىنشا، بىرىڭعاي جيناقتاۋشى زەينەتاقى قورىندا جينالعان قاراجات كامەلەتتىك جاسقا تولعاندا عانا پايدالانۋعا بەرىلىپ، جۇمساۋعا جارامدى.
بۇعان قاتىستى زاڭنامالىق وزگەرىستەر 2023 جىلى قابىلدانادى دەپ جوسپارلانعان.
12 جەلتوقساندا ۇكىمەتتىڭ كەڭەيتىلگەن وتىرىسىندا قازاقستان پرەزيدەنتى قاسىم-جومارت توقاەۆ مينيسترلەر كابينەتىنە ۇلتتىق قوردان تۇسەتىن ترانسفەرتتەرگە سوزىلمالى تاۋەلدىلىكتەن ارىلۋدى تاپسىردى.
ونىڭ ايتۋىنشا، ۇلتتىق قوردىڭ اكتيۆتەرى 100 ميلليارد دوللارعا دەيىن ءوسۋى كەرەك. سوندىقتان، ودان از جۇمساپ، كوپ تابىس تاپقان ءتيىمدى.
"ادىرنا" ۇلتتىق پورتالى
